迷你．黑洞: [澳洲．墨爾本] 澳洲新婚之旅（Day 13）

因為酒店近Victoria Market，所以早餐一早就決定去果度解決，就係晌我地去Market既路上，見到有一間叫Fraus既cafe(好像已改名Cafe Metsa)，門口寫住舖頭其中一個pie拎左呢個Gold Award，應該係一個pie既比賽，所以我地就入去望下。

結果我地並唔係被個pie吸引，而係被一個朱古力cheese cake吸引住，結果我地就叫左黎試下。

食左幾次覺得外國既蛋糕都比香港既甜，但呢度cheesecake甜度剛剛好之餘，非常之好味，朱古力同芝士味同樣濃郁，配合得好好之餘，口感獨特，帶少許黏口，但又幼滑，總之好好吃。間cafe咁近，好大可能會再去食過，下次要試埋果個拎獎既pie。

去到Victoria Market，隨心行左一輪蔬果檔同肉食檔之後，就轉戰食物部搵野食。

首先飲左一杯朋友極力推薦的Koko Black熱朱古力，$6一杯我覺得真係物有所值，好飲得過份，好想日日都飲得到，因為朱古力味濃之餘，奶味又重，真係飲過最好飲既熱朱古力，睇怕每次去 Victoria Market我都要飲一杯，我仲打算買0的朱古力粉返去自己沖，因為實在太正了。

之後我地又係market入面一間叫Drago's既店食左鬆弛最鍾意食既熱狗，有辣腸同唔辣腸，我地當然揀左辣腸，而鬆弛加左好多hot mustard落去，所以好辣，不過幾好味，條腸有不錯肉味既又唔會太鹹。

四圍行多一陣就到室外部份睇下其他野如生果蔬菜，行行下見到有一架van晌度賣doughnut，$6六個本來以為至少要買六個，就係因為見到有人買兩個，所以就排隊買一個試下。新鮮炸好既甜甜球暖暖的，加點糖粉，鬆軟有蛋香不錯的呢。

吃過早餐之後，我們就向CBD出發，因為要坐109號車到Box Hill看看，但結果我們在CBD四處遊逛了很久才起行。首先又被另一間大一點的Koko Black吸引，然後商場過商場，又被其他有趣的店吸引。

經過一家賣外套的店門口貼著$220減價至$99，全部都是有毛毛的長褸，店員說是澳洲的羊毛，中國制造的，質地看起來不錯，在香港買這種好一點的大褸也差不多這個價錢，最後店員減價至$90給我，也不過是七百多港幣，很高興竟然在這裡買到漂亮的大褸，回到香港剛好可以穿。

就在買大褸的店隔兩個舖位，看到有一家櫥櫃放著各式各樣蛋糕的Hopetoun Tea room，就是本來安排明天才來的下午茶店，不過既然有緣遇上，又剛好不多人排隊，我們就決定先吃。事前沒有想到要來這裡吃什麼，不過看到櫥窗有 pavlova，當然不能錯過，另外再加一個英式鬆餅。

Pavlova 有點像我和鬆弛第一次吃到的那個，鬆弛說跟M at the Fringe的味道很像，很高興我們遇上了好吃的pavolva，希望會再找到別個好吃的。鬆餅的忌廉很幼滑很rich，奶味重但沒什麼甜味，鬆餅很鬆軟，不過我覺得牛油味可以再重一點，塗點奶油再加少許士多啤梨果醬，真的很美味啊!!!

這家Hopetoun Tea room出品真不錯，但內裡有點擠，坐得不太舒服，如果想舒服嘆茶恐怕就不太好了。

終於逛完了CBD，我們坐上了往Box Hill的109號電車。雖然有人說在可以不買票搭電車，但被捉到的話要罰錢$207Aus，這種提心吊膽的事實當然不能做，可是我們上了車才發現不夠零錢買day pass，只好透過電車的app (tramtracker)查一查哪裡有賣票的地方，不知不覺就到Richmond的小越南區，下車到了一家有賣票的店才知道Metcard只能在車上買，之後就會全面停用要用myki，就是類似八達通的東西，可是這咭要$6，並不是按金，是不能取回的，除非在墨爾本住吧，否則一點也不划算，所以店員很好的跟我們換了$20的零錢，讓我們可以在車上買票。至於以後應該怎樣買也不太清楚了。