慶生party飯局 : 金碧酒家

 

每年二月頭臨近食友生日，有時間的話大家都會食飯見下面順便慶祝，今年食友既相熟好友係金碧訂左幾張大檯攪局，食友借左張檯同成班酒友食友來個慶生飯局，在此謝過食友及食友好友既安排。

金碧熟客多，一早已知晚晚都好熱鬧，今晚都冇走雞，由入門到離開一刻都好似開party咁高興。

今晚都預左有唔少紅白烈酒出現，誰知開席前同開席後酒枝有增無減，今晚想唔盡興都難。

湯汁既杏汁豬肺湯先到。

順風順水 : 金碧酒家

 

又有食友準備離開，今次佢想食舊式粵菜，結果大家一行7人就選左金碧酒家來送別。

湯品既杏汁白肺湯先上，一睇色水都知夠火喉。

買少見少的懷舊美味：金碧酒家

個多月前的一個星期五晚上，鬆弛突然提議彩虹一家舊式酒家晚飯，到埗才發現不少菜式要提早預訂，除了本應要預訂但阿姐說今晚有貨的錦卥雲吞外，其他要預訂的當然吃不到。本來打算找天湊齊人腳再來，剛好上星期又有朋友邀約，既然有人安排又夠人，當然不想錯過機會。

周六準時中午十二點半來到，菜式已在訂位時點好，人齊就可即刻上菜。沒想到預訂菜式每碟都不小，原來預訂的菜式都是一圍12人份量，只能加大不能減，而我們只有6個人，吃到最後一定飽到一個點吧。

 

蠔豉生菜包打頭陣，上次見到鄰桌在吃已經好想試，今天終於吃到了。蠔豉鬆炒得極香，另附送兩大盤生菜同吃，加上炸好的米粉碎，味道口感都很到位，心想夏天吃這個當開胃菜式也可以。

燒味要了叉燒拼燒肉，其實上次也吃了叉燒只是沒什麼特別，今次吃的是微暖的出品，肥瘦均勻比上次的好。

錦卥雲吞是其中一道懷舊菜，雲吞炸得酥脆，但自己並不特別喜歡這類炸物，只因不太喜歡杰身的酸甜獻汁而已。