迷你.黑洞

Happiness Real only when shared.

古董氛圍 : Le Galet 荼‧香


是日清假放下半日中午就搵間開左唔算太耐既上環餐廳慢慢享受一個late lunch

門口已經話俾人客知呢度走antique路線

餐廳內有偌大既室內空間檯與檯之間亦唔算迫夾

喜歡既重可以坐閣樓既位置

水係要收錢既不過應該係free flow

Carrot Salad正

Tomato Salad既亮點一定係burrata cheese入口軟滑富奶香

Parsnip Soup感覺似南瓜蓉湯但冇左南瓜既甜味但又散發著另一種根莖類既味道加上薄荷油也添加了香氣

Fish Fillet話係本地魚食落熟左少少但仍算嫩滑 冇問店家用左咩魚但食落唔似係急凍魚肉先

Seafood Pasta跟上本地海鮮除左蝦肉亦加左魚肉粒pasta雖幼身但仍有咬口,感覺有少少公仔麵既feel,味道微辣同蒜香混在一起十分惹味

店家除左茶啡和主廚既出品外,店內都陳列左唔少古董,加上店內既簡約配搭及氛圍如一個放置古董既藝術空間。

店員態度跟餐廳給人既感覺亦十分吻合當想埋單時店員話「咁趕時間? 唔坐多陣先? 飲唔飲杯啡呢...」聽完覺得佢又岩喎乖乖坐低睇多一陣古董飲多啖野先諗下一站


Le Galet 荼‧香
地址:樂古道25號
Tel : 26666570

江戶時代會席料理 : 月山

 

日本菜中懷石料理較多人熟悉,而出現在江戶時代的會席料理其實也有其特定內容如菜式包括前菜、生魚片、燒烤燉煮,油炸料理和醋漬料理等今晚就到月山品嚐一晚會席料理

此店乃位於尖沙咀既東京米芝蓮餐廳日山之姊妹店店內裝潢、雲霧效果跟燈色都給人一股日本漁港及日式舟屋既感覺

店家既自家出品日山醇米大吟釀入口清爽

前菜先付係梭子魚一夜干、筋子及素麵一夜干既魚肉帶點鹹香筋子食落爆汁而素麵滑溜也帶柚子香氣

椀物係松葉蟹配鱈魚白子蟹肉係預期內既鮮甜而樣子不算討好既白子其實十分軟滑

向付即刺身送上金槍魚、海膽及牡丹蝦金槍魚厚切口感很不錯海膽雖然可能不在當造日子但仍是夠鮮甜不過份量不少既牡丹蝦食落既鮮甜度比起海膽也不落下風

煮物係北海道赤鮑配山椒肝醬赤鮑煮得夠淋尤其係邊位應該用左唔少時間處理沾上山椒肝醬同食味更突出

燒物日山A5和牛真係今晚既邪惡大佬未食已聞到油香食落油香在口中更濃烈此和牛其實係日本百年老字號和牛鑑定「日山肉舖」之出品難怪質素咁好

揚物係北海道柳葉魚柳葉魚係香港唔算常見11月係柳葉魚盛產季節今次食到有點幸運成份撞正水尾有得試下。魚味不算濃郁但炸漿十分貼薄又完全不油可見炸工出色

酢物係醋漬九州北寄貝北寄貝當然食過醋漬係第一次醋漬過既北寄貝感覺醋漬味主導了整個味道鮮味都有點被掩蓋

御食係九州雞湯素麵素麵麵身雪白兼口感幼滑配上濃郁雞湯最後也是碗底朝天

甘味即甜品送上不少人最愛兼甜度夠高既北海道赤肉蜜瓜作結
地址:中環皇后大道中80號 H Queen's19樓
Tel : 3499 1427

大隱隱於巷 : Roji

 

時近年尾蘭桂芳又再開始熱鬧在人堆中行入蘭桂芳的一條暗巷內搵到目的地

今晚都係唔飲酒 ,叫兩個non alcohol cocktail飲落都幾refreshing既Yuzu同Strawberry Drink黎解下渴。

頭盤先上Scallop帶子唔算好特別但加上萵筍絲除左多左口感底部個柚子汁就幫左大忙突出左帶子既鮮味。

Hamachi Ponzu切得厚而食落都幾肥美醬汁就做成啫喱粒放係魚肉上睇落唔日式但食落就好日式feel。

Chicken Skin既炸雞皮做得夠薄夠香口配埋佢個惹味醬汁一開始食就會不知不覺唔會停手。

Hokkaido Giant Clams除左殼大之外蜆肉都真係好大食落juciy有海水味食完有衝動想叫多一碟。

King Crab Legs上面加左一堆綠色既惹味toppings成條蟹腳肉抽起放入口滿足感爆燈。

估唔到呢度既Udon口感唔錯入口煙韌加埋紫蘇葉同明太子既加持又係冇得輸既組合。

食到呢一刻已開始飽但個Sando Beef and Pork Sandwich放底一刻係吸引 豬同牛既混合肉係有肉香有肉汁當拎起咬左第一啖就會自然食到尾先停。

Dessert 既Skillet Pancake以白朱古力做膽加上焙茶雪糕食落唔算太甜加埋焙茶味幾濃既雪糕本來諗住食唔曬既甜品都係完全KO。

Roji大隱隱於巷店內氣氛唔錯食物都對板唔想係出面同人迫可以入巷發掘一下

Roji
地址:中環德己立街20A號地舖
Tel : 98840704 (WhatsApp)

落鑊前say個hi : Pheromone

 

食友定時定候係Pheromone攪局,今晚有時間又夠夜就join埋食一晚。早左少少就去書店睇下書睇下貓,冬天佢地訓埋一堆好得意

搬舖前食過唔算好多次,搬舖後第一次黎地方又大左

餐前小食先上雞皮餃子炸得香口唔油膩雞皮當餃皮用更吸引我想話其實我可以食一打

肉碎米通睇落碎料食落有料到脆口之後麻同辣攻入口

本來普通既沙律其實蔬菜爽脆已經可以加左櫻花蝦味道層次又升左呢

餐湯今日出既係正常口味南瓜湯加薑蓉係睇得出既配搭南瓜蓉打得夠幼滑雖然唔係以前個d睇唔出既口味但都係有水準

蒜蓉包個樣吸引但食到有少少苦炒蘑菇夠香氣

櫈有請各位今晚既參賽佳麗出場 ,係落鑊前出黎同大家見下面say個hi

薯條都係呢度名物我地本來諗住同隔離檯鬥快食完一盤,結果輸左幾個身位,因為我對面條友今晚揸流攤

各位觀眾請以熱烈掌聲(啪 啪 啪 啪 啪 啪 啪 啪~歡迎我地今晚既1234號佳麗出場

色澤粉嫩肉香四射,唔好睇呢舊好似冇乜油,食落經過一輪肉味之後油香就湧出黎

飽肚野上左法式臘鴨飯真係估佢唔到,店家唔出聲會以為糯米飯米粒比中式既糯米飯軟身但鴨油香

甜品普通,因為係冬天既關係最尾都係選擇飲多碗湯先完埸

今晚既經驗都很不錯,搬舖後冇乜跌watt,可以擇日再賽

Pheromone - Steak House
地址:大坑蓮花宮西街1-9號地舖
Tel : 64379739