唔係玩玩下：荔園茶餐廳 Lai Yuen Restaurant

荔園已經係icon，也是一代香港人的集體回憶 ，而家懷舊當時興，所以今日收工就來尖咀既荔園茶餐廳坐坐。

門口係代表荔園標誌的老虎仔在迎客，室內有旋轉木馬吊在天花營造下氣氛。

地鐵站出口雖近但最近天氣熱到hihi，所以坐底都係想叫飲野先。鮮菠蘿冰最懷舊既唔係味道，係要自己出力拎住半個菠蘿搾汁，其實以前飲菠蘿汁斷估都唔使咁辛苦先有得飲既，不過呢個gimmick都ok，話晒有新鮮菠蘿汁飲下，重可以DIY加多少少菠蘿肉都得。

食友飲完鮮菠蘿冰追加既黑牛，見佢飲得都幾快(其實佢好多野都好快...)，應該唔會差得去邊卦。