今日瞓到自然醒，因為今日要出發去長岡，欣賞長岡花火大会。
預計會好夜先番到酒店，所以要瞓夠先起身。
花火大会有付費看臺但要抽籤，抽籤以後也會有好多人在網上放位，不過聽到有不少係詐騙，如果抽不到又想買網上的放位，建議不要一開始就付全票費用，要俾deposit都盡量俾少一點，交收先俾尾數，聽聞比較安全的做法係當日先搵網上放位再即日在長岡約定見面，可以連deposit都唔使但就有機會唔係自己最想坐既位置。
上網訂左新潟去長岡JR特急車票，當日已一早拎左去程同回程既實體票。預計今晚回程會有極多人同時離開長岡市，既然只買到自由席車票，拎住實體票應該可快一點入閘排隊上車。
另外JR特急新幹線係一套兩張的，一張係乘車券，可搭乘普通JR列車與快速列車，另一張係特急券。入閘要兩張票一齊過機，過完閘機記得取回。
中午到達長岡站。
花火大会的網站有說明那些煙花會在会場的某一面發放，所以想近距離睇某一類煙花，就要事先睇定位置。
花火大会会場同長岡站有一段距離，行路要20-25分鐘左右，行去水道公園大約多5分鐘。日間市內有巴士但不可直到水道公園，所以當日來回都係用腳行。夜晚回程沒有巴士外，也應該沒有計程車，加上人潮的話，回去長岡站上車最好預計要一小時或以上。
先到會場附近最熱門既免費觀賞地點之一既水道公園望下環境。聽講早一晚已有人想到來霸位，但會俾人清走，後來知道當日早上來霸位的就沒問題。
水道公園成為熱門地點自有原因，除左比較近長岡站，水道公園南面草地又貼近花火会場北面，公園入口本身有一個公廁外，靠近花火会場方向的草地另有三排流動公廁，所以一早已有非常多人來搵個好位置。
去到水道公園南面草地，搵好位放好地墊同露營櫈。
鋪好地墊或地席就可離開，不過最好用露營營釘釘實地墊。如果不喜觀水道公園，也可以去花火会場南面的長生橋堤防管制區外搵位。
午餐去左目利之銀次，因為市內選擇唔多，有些餐廳一早已訂滿，有些門口已有長長人龍。
有些餐廳要點套餐或只有自助餐，但呢度可以單點、多選擇又有位坐。
點左唔少野食，刺身跟三文魚還好。
因為唔知下餐會幾點食，就追加小食及天婦羅定食，一於食盡先算。食到三點前離開，再去超市買飲品及乾糧麵包零食，離開順便拎些冰塊用來包住清酒及飲品。
四點前回到草地，我地既地墊周圍已舖左極多大大少少既其他地墊。
人潮大約在五點後極大量地湧入，三排流動公廁已見到人龍。
呢個係公園廁所，只有一個尿兜同一格廁所。食友在六點時去左排流動公廁，因為佢話公園廁所人龍極長，可能要排一個鐘，但流動公廁也排左半個鐘，所以想去廁所也要早點去。
長岡花火大会在7點20分開始。
其中一個重點是巨大的三尺玉煙花。
成個花火大会大約歷時兩個鐘。
中間會停落黎，分成好多個段落。
我地冇留到最後先起身，去到接近尾聲見有人動身離開，就快手執野跟人離開公園草坪。
一邊行一邊回望末段的煙火。
長岡花火大会的會場範圍真係好大，其實在長岡市內都好大機會睇到煙花。
網上有好多片都睇得出係响民居之間拍既片段，感覺一樣好震撼。
就算提前離開，都用左一個鐘先離開公園範圍。行到長岡站前，已有大量工作人員舉牌指示。記著一定要跟指示走，因為長岡站周圍都已封閉，亂行只會浪費時間。
跟既定指示例如指定席或自由席人龍排隊入站。在自由席人龍排了半小時就可入站，上到月台沒有排即班車，轉去排了下一班全車都是自由席的車，結果上車就有位坐回新潟站。
指定席的車也可能有自由席的車箱，不過見到人龍就知不太可能有位坐，其實企位都只要半小時左右就到新潟站，趕時間的話也可考慮。
但看到好多人要趕車回東京，沒位坐也要迫上車，回東京要兩小時以上也要企足全程，所以留在新潟或長岡雖然房價偏高，但就不用太趕太辛苦趕車。
回到新潟市大約11點半，回酒店中途隨心入左呢間たこちゃん，坐低先知店家主打限時任飲餐牌上的任何飲料。
牛雜小吃很惹味，送酒佳品。
香脆餃子。
章魚燒不錯外脆內軟。
明石燒是章魚燒浸上湯後才吃的，入口更軟滑。不用半小時就吃飽，起身回酒店休息，完成打仗般的一天。
新潟県長岡市東坂之上町2-3-7 リッツスズランⅢ1
長岡市信濃川
長岡市水道町3丁目11-1
新潟市中央区東大通1丁目9−1
以下是本旅程其他日子的連結
0 意見:
張貼留言