一早起身浸一浸溫泉。
轉頭又係自助餐既早餐。呢度自助餐都分左時段俾住客選擇同有限人數，應該唔想某些時段特別多人。
早餐都好多食品選擇。
食飽check-out就開車去日本三大峽谷之一的清津峡。
清津峡成為景點，網上話約1,600年前海底火山噴發形成岩壁。
加上長年侵蝕，造成垂直岩壁。
入面有長約750公尺的步道隧道光之隧道Tunnel of Light。
用左現代藝術既光影設計融合左呢度既大自然元素。
最後係鏡面水池，就係水面反映倒影。不過人太多，點影都係見到一堆人就放棄了。
去完景點開車去上越市的麺屋あごすけ。呢間除左係2025年百名店，也在TBS最強ラーメン番付SHOW拎過2024年鶏塩上湯麺既全國第一。
一早知道要排隊，去到門前以為唔多人，原來好多人一早到埗登記好已離開，我地登記完都被告知要等兩個鐘。
好在附近有shopping mall消磨時間。
一入ABC Mart就行左接近一個鐘，跌左萬幾Yen。
未行曬附近舖及對面商場，已睇到人龍好似去得比想像中快，就回去等食。
回到店內睇餐牌等了接近半個鐘便入座。
安排對住廚房的座位，望到廚房其實也是賞心樂事。
店家秉承醫食同源的理念，主要採用新潟産的食材來做拉麵，也會提供限定菜色。
睇住幾位大廚煮湯煮麵燒肉，態度都從容不迫，就明白呢度係慢工出細貨。
終於等到有野食上檯。
麵身有咬口，湯汁也掛得到。
湯汁的海鮮味慢慢滲出。網上見到店家用上佐渡島的烤飛魚乾及發酵一年的金華火腿熬製湯汁，難怪湯頭入口醇厚，後勁帶海鮮清甜。
雞件帶炭火香，入口很滑溜，可說滑得不像雞肉。
叉燒不是不好，但真的給雞肉比下去。
溏心蛋有水準。
呢餐拉麵用左太多時間，食飽要趕去下一個食友想去的景點。
春日山城遺跡故事館在春日山城遺址山腳的旁邊。
山城是戰國名將上杉謙信的居所，現在只有遺址及一片山景。
下站開車直接入新潟市Dormy Inn放低行李check-in。
長型房間佈局。
Check-in完到電器店找行李喼，因為在新潟買左太多野，唯有買多個喼，先夠位放一大堆新潟手信土產。
買完行李喼就到新潟JR站內的ことぶき寿司c/oまいもん寿司。
卡座非常寬闊。但太夜的關係，好多壽司都已賣完。
大及中吞拿十分肥美。
南蠻蝦及蟹腳都非常新鮮。
海膽樣子吸引，食落也鮮甜。
其他出品如玉子豆皮和手卷也不錯的。
剛才在壽司站未食到飽，下一站到いかの墨 新潟駅前店食宵夜。
日式宵夜當然要坐榻榻米。
.jpg)
前菜都特別，可選自己喜歡既海產、甲羅或海鮮卷。
店家話蒸焗幾分鐘就得，但可能蒸爐唔夠熱，最後用左20分鐘先食得。
燒黑喉很不錯，魚肉鮮味又有油份。
特色豆腐小食。
最後上檯的是用頂級越光米，用銅鍋及柴火即煮的招牌墨魚汁飯。
店家再加上芝士絲伴好就可開動。
米粒口感極好，有米香又軟糯，吃著又帶墨汁鮮味，再飽也想吃多一點才停手。
新潟縣十日町市小出癸2119-2
新潟県上越市下門前1650
新潟縣上越市大豆334
新潟縣新潟市中央區明石 1-7-14
新潟市中央区花園1−1−1 CoCoLo新潟 WEST SIDE 1F
新潟市中央区東大通1-5-24まるよし第8ビル1棟
0 意見:
張貼留言