多年前在太子一帶番工，見到白楊街近大埔道冒出一間帶文藝氣息既小店cafe牧羊少年，除左氣氛外食物出品也有質素，今日就去新分店試試。
到了今時今日牧羊少年已擴展到尖沙咀第9間分店。
午餐餐牌選擇大路，都係海鮮沙律意粉意大利飯burger及豬牛扒等。
前菜只選挪威煙三文魚配溫泉蛋及香草油。
煙三文魚帶煙薰香，但流心溫泉蛋更吸引。
主食先上獨子蒜蕃茄蓉意大利辣腸肉醬扁意粉，蕃茄蓉帶蒜香，扁意粉有嚼勁亦沾滿肉醬。
另一主菜係慢煮法國豬鞍配火炙粟米及烤新薯伴芥未籽蘋果醬。
豬鞍肉帶點焦香，切開睇落好似有點粗糙，但入口有肉汁亦算嫩滑，應該係慢煮既功勞。
此店除了氣氛外食物質素也可以，加上位置及裝潢，係尖沙咀應該可以長做長有。
地址：尖沙咀梳士巴利道香港文化中心地下
Tel : 2178 3668
0 意見:
張貼留言