良順興個店名之前已有印象，應該係周圍搵酸菜魚既時候走入腦海，呢排見食友出post食得咁開心，今晚就訂好位食一次先。
感覺都似酸菜魚，魚片入口滑溜，湯汁酸度同辣度都適中飲得落。
配菜又多有豆卜、菇片、萵筍片同埋冇上鏡既芋絲。
另一個餸叫左鍾無豔煎肉餅跟辣椒油。
肉餅中加入臘腸粒，臘腸既油香都幾夾肉餅既味道。
面頭灑上唔少咸蛋及干瑤柱碎。兩樣野都好惹味，但因為只舖左係面，感覺唔算好融入到個肉餅。
食完想叫其他菜式，但今餐得兩丁人所以食住咁多先，不過為左個水煮魚同其他未試既菜式，應該好快會食多次。
良順興
地址：大角咀博學里9號富多來商場一期地下60號舖
Tel : 3611 5435
0 意見:
張貼留言