第四日會用比較多時間上路，所以一早就離開，由光州市直接去群山市食醬油蟹同海鮮。
群山係韓國全羅北道沿海城市，自然有唔少海鮮供應，中午就係為左醬油蟹同醬油海鮮而來。
呢間醬油海鮮店째보식당同傳統既都幾唔同風格，遠望以為係coffe shop舖面。
店內淺白色牆身加上內裡空間感，完全係似去cafe多過醬油海鮮餐廳。
手畫既餐牌好靚，睇完決定叫個雜錦醬油海鮮併盤就好，食完再睇下邊樣好食先，個胃有位再追加都唔遲。
燈燈燈燈各位觀眾醬油海鮮併盤送上。
醬油蟹仍然係最吸引既，鮮橙色既蟹膏入口異常鮮甜，加埋蛋一齊食重嫩滑。
醬油蝦都唔輸蝕，蝦膏香甜而又醬油又可以帶出鮮味。
鮑魚雖沒有蝦蟹既膏香，但鮑魚肉十分爽彈。
三文魚本身都有魚鮮味，只係比起蝦蟹係冇咁突出。
醬油海鮮包飯同食又有另一番風味。
呢個併盤都食得夠飽，到此為止留肚去下一站。
下站去韓國最老字號既麵包店李聖堂cafe見識下，群山呢間麵包店及大田聖心堂都係韓國五間老字號麵包店之一。
群山市呢度可能冇大田市咁旺，所以都包店內都比較少人。
款式都係冇聖心堂咁多，不過貴精不貴多，而呢度既紅豆包類係名物。
既來之食個包先，買好麵包坐低慢慢嘆。
試左個紅豆牛油包，紅豆唔會太甜入口無渣，另牛油幾重油香，兩樣野夾埋個包一齊食都幾好feel架。
群山市於1930年代由日本統治，市內有不少日治時期既建築。
離開前順便睇下群山市內既日式舊建築及園景。本來想去新萬金海堤睇下海景，但時間關係只留在群山市而已。
完成群山既行程就直上仁川，直接到酒店check-in先再出去食野。
呢間仁川Toyoko-Inn真係新淨，但房就比較細，style都似足東京市內既連鎖酒店。
晚餐去海邊外島試下任食蜆貝，目的地係外島之一既月尾島，可以由仁川直接揸車過橋去到。
成條海濱都係海鮮餐廳，行左一陣睇下其他餐廳。
最後都係番去一早睇到個間評價幾高又係任食貝殼類既餐廳 청춘조개 월미도직영점。
店家有四款套餐選擇。
等緊貝殼既時侯，跟餐有碟辣炒豬肉同金菇頂下肚。
貝類併盤送到。
呢度既貝類除左燒都有唔同既煮法，但食落又唔算好特別，不過貝類好新鮮又入口冇沙係真既。
除左貝類店家都有任食蟹腳同青口，可以拎黎煮公仔麵。
食完海鮮就過去Hyundai Premium Outlet
睇下行下。
Outlet好有聖誕氣氛。
呢度都好大，好似行緊維園咁。
行極都重有其他區。
認真行街shopping食野既話行成日都得。
除左地面行極都有店舖外，地底都有唔少店舖同餐廳。
Outlet入面呢間Homeplus原來都有幾層，真係行到腳軟。
行完shopping mall腳軟了就番仁川夜市行下街。
最後隨心搵左間烤肉餐廳試下韓牛。
但1++韓牛已經賣曬，唯有食住其他牛肉。
配菜多花款但食落冇特別。
牛肉真心普通，有牛味但唔濃亦冇咩油香，唯有當填飽個宵夜肚就算，有少少浪費quota既感覺。
食飽就打道回酒店，今晚早訓聽日早點起身，試下酒店早餐同開始最後半日行程。
째보식당 (群山醬油海鮮店)
70, Guyeong 3-gil, Gunsan-si, Jeollabuk-do
070-8860-5312
중앙로 177 Gunsan-si, Jeollabuk-do
63-445-2772
Gwangjang-ro10, Bupyeong-gu, Incheon 21404
32-527-1045
청춘조개 월미도직영점 (月尾島貝類任食餐廳)
인천 중구 월미문화로 21-2
507-1379-1102
123 Gukje-daero Songdodong Yeonsugu Incheon
32-727-2233
0 意見:
張貼留言