今日訓到自然醒，應該好多早餐店都賣完早餐。
招牌乾麵個樣有點似伊麵，麵身清爽而最好既係個醬，有齊麻辣鮮香味道。
皮蛋豆腐普通一點，滷筍絲帶竹筍清甜。
鮮肉湯圓外層軟糯有米香，入面肉球鮮味肉汁豐富。
呢個水準既鹹湯圓會令人番兜。
重有胃口當然順手食埋。
蚵仔加豬血湯比想像清甜。
蚵仔飽滿有鮮味。
可選肥瘦既筒仔米糕要左小肥試下。
糯米飯粒粒分明有咬口，加上豬油香及自家甜辣醬同食真係幾不錯。
如果覺得唔夠刺激，加埋有後勁既蘿蔔辣椒醬會更惹味。
唔使一個鐘就食完兩間，中午飯都可以直接跳過，跟手要搵地方行下消化。
行去迪化老街睇下台灣辦年貨盛況。
迪化老街果然係年貨街，除左年貨舖夠多，辦年貨既人更多。
舖頭貓懶理途人自成一角。
行到兩點幾想起花蓮既玉里橋頭臭豆腐剛好在台北做快閃，既然有時間就去排隊試下。
等到3點半就開始派籌。
4點左右終於有臭豆腐食。
睇番網文原來豆腐要炸三次才完成，入口感覺唔算太臭。
食落外脆內嫩不會太乾，中間也沒多餘油份，真的夠酥脆兼豆味幾濃。
另外配菜應記一功，蘿蔔絲帶來多一種口感，最精彩係九層塔既獨特香味同豆香一拍即合。
食完臭豆腐就番台北車站附近，行下超市同京站時尚廣場。
見到善果屋既麵包都好似唔錯。
奶油卷香脆好食。
食晚飯前買少少當今晚宵夜或聽日早餐。
今晚已訂了好嶼HOSU食個晚餐。
準時到達門口入座。
入內裝修簡潔令人放鬆，沒有高級餐廳既拘謹。
好嶼主打台灣食材及口味。
和牛塔塔/巴西里/油芒組成的甜筒，香脆中帶和牛肉味。下面的豬肉抹醬/金棗/成功柴魚的香滑肉醬在酸甜金棗襯托下肉味更突出。
一開始以為是普通蠟燭，原來是煙燻鵝油做的蠟燭。
鵝油溶後加入巴薩米可醋，便用來配軟熟微甜的地瓜甜麵包。
馬祖蠔/紅甜椒/稻草的蠔肉爽口，不過沒有歐洲蠔種的強烈海水回甘。
間場的鵝油湯帶蔥油香氣。
筍殼魚通常是半煎炸，而這個筍殼魚/白蘿蔔/蕪菁的嫩滑魚肉跟creamy芹菜汁一樣精彩。
嘉義鵪鶉 / 蕈菇 / 仙楂用上兩種做法。油封過的鵪鶉腿帶酒香。
稻草煙燻過的鵪鶉胸十分軟嫩。
大溪甜蝦 / 芳苑赤嘴蛤 / 海苔。
雲林鵝 / 黑蒜 / 雲吞組合的鵝肉異常濃味。
季節海魚 / 羊 / 柑橘上檯。
一個柑橘醬便同時引出季節海魚及羊肉的的鮮味。
甜品先上栗子 / 松露 / 松針。
最後係鬆脆無花果 / 洛神花 / 帕伐洛娃及刺激的蘋果 / 山葵 / 辣椒餅。
食完呢餐都幾飽，又係時候行夜市，今晚去左南機場夜市睇下。
人群中自在的黑貓。
行下行下叫個胃叫做有番d空間，就試下以前拎過米芝蓮推介既阿男麻油雞。
麻油雞已煮到軟爛，不需用力咬肉骨都已分離。
湯汁帶雞鮮及攻鼻酒香，飲落卻不會一口油膩。
入去睇下有咩手信同生果。
行完超市就食埋宵夜，去番尋晚冇開既劉湯包。
湯包已賣剩原味，酸辣湯已沽清。
湯包即香港既小龍包。
皮厚薄度剛好不會一夾即穿。雖不是入口爆汁，但肉汁及肉味都夠豐富。
食完湯包買埋yogurt就完成今日既行程。
大同區延平北路三段58號
886 2 2585 7655
大橋頭米糕大同區延平北路三段41號
886 2 2594 4685
台北市大同區迪化街一段
大安區忠孝東路四段181巷40弄14號
886 2 2711 4723
中正區中華路二段307巷至315巷間
886 2 25505220
中正區中華路二段311巷34號
886 955 572 506
萬華區桂林路1號
886 2 23889887
萬華區內江街29-2號
886 908 529 893
2024年2月台北快閃三日自由行 第一日
2024年2月台北快閃三日自由行 第二日
0 意見:
張貼留言