今日主要行程係牛島Udo-myeon自由行。上島前先去買兩間韓式飯捲做早餐。
先到濟州金萬福鮑魚飯捲濟州本店買一轉。
室內用餐區都幾寬敞，不過因趕船所以買外賣。
鮑魚味道由飯中滲出但不突出，米飯有咬口而蛋香也夠濃。
成班人重食緊金萬福鮑魚飯捲，轉頭就直奔去另一間濟州海鮮飯卷。
海鮮飯卷帶黃白紅色彩外表比較吸引，食落醃菜味雖濃，但厚身既蝦餅味沒被掩蓋。
食左飯捲就直奔碼頭。
去到碼頭先填好兩張一式一樣既表格，一張上船用另一張回程用。填好後乘客可在碼頭售票處一次過買齊來回船票。
.jpg)
今日天氣好所以都唔少人坐船或駕車上船去牛島。如果想揸車上島，要係島上留宿先可以，我地即日來回所以架車就泊係碼頭停車場。
船程都係半個鐘內，睇下風景時間好快就過。
上到牛島先解決交通問題，本來想租單車、電單車或電動單車之類，但考慮過安全同時間後，決定簡單一點坐巴士，一來可以習體行動二來又安全，而且巴士班次幾密又多上落客點。
上左巴士後第一站梗係去食野先。
除非你唔食炸醬麵，如果唔係牛島炸醬麵우도짜장맨應該算係必食既餐廳。
呢間主打當然係炸醬麵，順手試埋海鮮麵。
今日好好太陽，都係坐入去室內有冷氣既地方會食得更舒服。
炸醬麵麵醬偏深黑色，同麵撈均後食落冇想像咁濃味，反而係比港式更甜一點既風味。
海鮮麵都可以，海鮮味都煮曬落湯度，所以湯同吸左湯汁既麵比海麵更吸引。
來到海島又點可以唔睇下海景吹下海風。
唔少人都帶埋寵物同遊。
海邊除左海上活動重有另類既海灘騎馬。
最後去多一兩個景點，睇下黑沙海岸同東岸鯨窟既景緻。
同涯邊既風景影張相，就完成牛島行程。
上番巴士坐番十分鐘，回到碼頭登船回濟州島。
回到濟州島先醫肚，開車去京美家경미네집食下海鮮拉麵、鮑魚與海膽拌飯。
京美家都係家庭小店型式經營。
餐牌一張過睇曬。
京美家出名既鮑魚粥係必點。以前係釜山食過但感覺冇咩鮑魚味，今次呢個就真係食到有鮑魚鮮味。
昆布湯清清地但帶鹹鮮。
昆布海鮮泡麵都係好野，湯汁啖啖都係昆布鮮味，麵條又掛到湯，成煲麵食到見底。
雜菜鮑魚拌飯比起湯麵係較淡口味，但口味清爽幾岩夏天食。
濃味既芝麻海膽昆布飯都值得食，新鮮海膽加濃香芝麻同脆香紫菜又係一絕。
食飽飽就行下旁邊既UNESCO世界自然遺產既城山日出峰見識下。
城山日出峰觀賞日出原來係濟州十大美景之最。
其實可以觀賞完日落先閃，但大家都冇帶厚衫怕太凍，所以都冇上山頂，只係欣賞一下四周景色而已。
山腳下有手信店可以睇下買下。
晚餐去左主打鮑魚出品既明珍鮑魚명진전복。
鮑魚刺身同鐵板烤鮑魚應該係必點。
鮑魚刺身非常爽口但要點醬汁先食到鮮味。
鐵板鮑魚幾有咬口，鮑魚味比刺身突出。
另外都要試下鮑魚粥，色水幾深但不算太有鮑魚味。
鮑魚石鍋拌飯都可以，因為飯粒同鮑魚內臟一同炒香。
重有條韓式一夜干，魚肉有點實但魚味都濃。
回濟州市途中，順路經過麵包店Audrant Bakery就落車睇下。
麵包睇落都幾吸引款色又多，就買定幾包聽日當早餐。
今晚係最後一晚係濟州，大家都想試多d美食，頭先晚餐都比較早食完，所以就8點半前剛趕到濟州市內既三姓穴海鮮鍋，食下人氣海鮮鍋。
個海鮮鍋都真係好澎湃。隻蟹都好巨型，重有鮑魚海螺八爪魚，不過海鮮下面都墊左一大堆芽菜，如果唔食芽菜既人可能會有少少抗拒。
海鮮鍋內既海鮮全部都係岩岩活捉放上去，所以上左檯都要等十幾二十分鐘煮熟先食。
不過八爪魚更鮮甜彈牙，最後當然要飲埋吸收曬日月精華既湯汁先收工。
完成海鮮鍋真係要俾個肚休息下，去左行Lotte以外既大型超市E-Mart이마트 신제주점。呢間E-Mart有兩層parking，揸車過黎shopping fit曬。
係時候認真買下濟州出品當手信。
離開E-Mart經過市中心，咁岩有間Olive Young未收，即刻泊低架車係街邊，俾女團友快手入去掃下貨。
今日既最後一餐去左三代麵條會館既老店試下韓式水餃同豬肉湯麵。
呢度收得比較夜，所以呢餐預左係當宵夜。
舖內非常光猛又有長檯，如果人多想食宵夜可以考慮。
白切五花腩偏肥，連埋生菜泡菜一齊食就冇咁油膩。
餃子包得脹卜卜，菜肉比例又平均係今晚既亮點。
湯麵既湯汁非常黃，飲落就知除左色之外，味道都係非常濃郁既豬肉湯。
麵身幾有咬口，加左大堆紫菜後碗湯多左豬肉高湯以外既紫菜味平衡下。
食完宵夜總算完成全日豐富到爆既行程，番去民宿途中仍在回味牛島既陽光與海灘。
제주특별자치도 제주시 오라로 41
064-759-8582
24 Mugeunseong 7-gil, 삼도2동 Jeju-si
064 900 2527
제주 제주시 우도면 우도해안길 1132
507 1411 0465
제주 제주시 우도면 우도해안길 1122 1층
제주도 서귀포시 성산읍 일출로259
064-782-2671
西歸浦市城山邑日出路284-12
064-710-7923
제주 제주시 구좌읍 해맞이해안로 1282
064-782-9944
552-3 Johamhaean-ro, Jocheon-eup, Jeju-si
064-784-5404
20 Seondeong-ro 5-gil, Yeon-dong, Cheju
064-745-3000
제주 제주시 1100로 3348 이마트
064-798-1234
제주특별자치도 제주시 일도이동 1045-12
064-759-6644
0 意見:
張貼留言