一早起身想有點聲音，拎起電視remote開電視但無反應。
最後發現原來少左粒3A電池，呢度frontdesk由尋日到今朝都未見過人，當然唔會有人幫你搵粒3A電池出黎。
今朝又發現房角落有枝唔知噴咩既樽，好彩一直冇怪味又冇昆蟲出現。
食早餐前先去弘大站鎖好行李，download左app跟住指示做就得，記得手機要收到短訊先可以收到密碼。
第一站出發去食三文治Issac Toast弘大店。
餐牌都係唔同餡料既三文治。
呢度預左多人要等，好彩都有檯可以坐住等早餐。
店員忙到甩碌，等左半個鐘先有得食。
麵包外層煎得香脆，咬落鬆軟已經嬴左一半，而餡料夠新鮮之外，食落夠熱又嬴埋另一半。
首爾雖然今日繼續落雨，但天氣變得冇咁熱可以飲下湯，大家就決定補補身飲雞湯，去左孔陵一隻雞試下。
雖未到食晏時間，入面已經接近滿座，即刻落單希望唔使等咁耐。
雞湯鍋上到檯都重要一路滾煮，等野食既時間真心難過，一煮好大家都即刻飲啖雞湯先。雞湯睇落清淡，但入口又幾夠味，而且湯可以追加飲到夠。
店員將整隻雞拆肉分件完就可以食雞，雞肉雖滾過湯但食落仍算軟嫩細緻，只是肉味淡一點。
將雞肉沾點醬油先入口亦可帶番起鮮味。
另外鍋入面既馬鈴薯同年糕都已吸收湯汁，大家都食到一件不剩。
食到最後加番雞湯再落白飯用黎煮成雞粥。
店員都會幫手煮，且會加紫菜雞蛋同麻油增加食味。
食完美味雞粥終於又完成一餐。
食飽左外面重未停雨，唯有入室內去樂天百貨睇下行下。
呢度有韓國高麗參專門店，雖然唔平但一定係正貨，所以都唔少人幫襯。
百貨有一層係food court，選擇都唔少但唔係我地杯茶，不過如果係shopping大過天既人其實都幾方便。
行完落左格就想飲杯野搵下甜品，就係明洞步行街入面搵左呢間走簡約風既Cream Chic。
飲品幾好，特別係茶啡類出品有質素，且價錢都平過香港。
甜品由食友發板及完成，自己只係試左可麗露，略甜但香濃。
甜品都食埋，要認真睇下有咩想要想買番香港，去左明洞間佔地12層既Daiso。
雖然有12層但由12樓行到落1樓都幾攰，而且每層都太細，都係行番一大層既會舒服好多。
去機場前既晚餐係市內最後一餐，本來打算試明洞韓燒몽블리All You Can Eat Mongbeulli，不過未到六點樓下已有客人在排隊等檯。
前菜還可以。
小食蔬菜煎餅只是一般。
呢度既肉係普通貨色。
燒得幾香口，但入口肉味唔濃。
五花肉都好一般，天氣好既話真係想去馬埸洞，試下韓國頂級肉類出品，不過落足成日雨真係令人移動既動力都冇曬。
食完呢餐就拎行李，出發去仁川機場回港了。
今次旅程都算順利，只係回到首爾冇停過落雨令人煩擾，而濟州的確係好地方，風景又靚又多美食，將來如果有直航機復航，都有機會想再行一轉，重溫一下美景同美食，最後附上團友同茶園風景既合照一張。
93 Wausan-ro, Mapo-gu, Seoul
82-2-333-2492
54 Yonsei-ro 2da-gil, Seodaemun-gu, Seoul
82-2-393-9599
Jung-gu, Myeongdong 7-gil, Seoul
82-2-779-9271
서울 중구 퇴계로 134-1
82-2-318-6017
62-20 Chungmuro 2(i)-ga, Jung-gu, Seoul
82 2-757-9292
0 意見:
張貼留言