迷你.黑洞

Happiness Real only when shared.

德州燒烤遇上加州美酒 : 萬麗咖啡室 Cafe Renaissance


已經有一段時間冇去萬麗咖啡室,今晚就趁比較得閒既日子,到黎同一班食友嘆過自助晚餐。
天氣咁熱順便食下新鮮兼冰涼海鮮當降下溫都好,時令澳洲生蠔、凍蝦、翡翠螺、麵包蟹及青口等通通都食一轉先,配上呢度既Freemark Abbey Napa Valley Viognier($110一杯 $550一枝)鮮味更突出。
順手拎埋隔離既鮮甜帶子同八爪魚刺身,以及炙燒牛肉壽司打個底先。
打完底飲番盅火喉十足既蟲草花雞肉燉豬𦟌補一補。
飲完湯開左胃,又可以食下沙律同重口味一點既cold cut及芝士。
到咁上下時間係時候德州燒烤出品 以煙燻牛腩肉味香濃,烤豬肋排油香豐滿,而雙重煙燻煙肉亦真係煙燻味滿瀉,配上獨特既加州佳釀Kendall Jackson Vintner's Reserve Zinfandel 2014($100杯 $500一枝),肉香更提升到另一層次。
其實重有大條煙薰三文魚,不過要留肚食另一樣海鮮。
食完燒烤雖然有點飽,但點飽都冇理由唔食呢度既新鮮蒸焗龍蝦。
食到咁上下就行下睇下其他東南亞美食及中式出品。
最後衝刺時間先食下任食唔嬲既HD雪糕,再黎個即焗心太軟。
食落熱辣辣既心太軟加埋雪糕又係冇得輸既組合。
最後再補d甜品如栗子蛋糕、馬卡龍、芝士蛋糕、綠茶及士多啤梨慕絲等,今晚就好完滿咁完結。

萬麗咖啡室既德州燒烤美饌及精選加州美酒由即日至8月31日供應。用恒生信用卡於星期一至四可享自助餐7折優惠,星期五至日及公眾假期可享8折優惠。

萬麗咖啡室 Cafe Renaissance
地址:灣仔港灣道1號香港萬麗海景酒店閣樓
Tel : 2584 6973 / 2802 8888

惹味黑蒜叉燒蝦湯 : 一幻拉麵


早幾個月一幻屯門店開幕時去左一轉今次到荃灣店新開幕上次一個人試唔到太多今次叫多左人終於可以試多d野

到當然要試荃灣店限定既黑蒜叉燒蝦湯拉麵出色既蝦湯底加入爆香後既黑蒜及薑後香氣更濃風味更強
鹽味蝦湯之前係屯門店已經試過今次再食口水準都keep到蝦湯味夠濃夠出吸左蝦湯既麵條更香

今次多左食友一齊可以叫多樣小食餃子、木耳、糖心蛋、雞脾菇同味筍都一併叫齊糖心蛋蛋香夠又流心雞脾菇入口爽脆

另外重有飯糰同沙律沙律比較普通而飯糰有米香值得一食

開幕日起一連五日即7月8至12日,一幻荃灣店所有拉麵都有「得一賞二」優惠,堂食任何一款拉麵即可免費享用另一碗價錢較低的拉麵
7月13日至7 月31日會推出$238新店限定拉麵二人套餐,包括兩款拉麵或伴麵、兩款自選小食跟兩款指定飲品,以及在新店先會跟套餐贈送既限量版摺疊式環保飯盒一個。另新店推出食$100送$100現金券 食$200就送$200現金券食得多送得多兩個月內都可以係新店使用

一幻拉麵
地址: 荃灣荃新天地一期UG02
Tel : 2368 9099