品記都食左好多年，由當年崇潔街細舖食到變庇利街大舖，而家再上埋樓變巨舖。
邊爐配菜都有一堆。
另外重有唔少涼菜、小食同麻辣小炒。
涼菜先到，夫妻肺片份量唔少，食落夠麻又夠辣。
炸芝士牛肉丸咬落有溶左既芝士汁流出。
雞煲叫左少辣，一隻雞既雞件都幾多。煮香後既雞件吸收左配菜、麻籽同辣椒味道後，食落非常惹味。
炸响鈴即炸上檯夠熱夠脆，可以沾醬即食或放湯。
手切牛肉幾靚，入口肉味夠濃。
鵝腸都係好貨色，有肥膏兼咬落爽脆。魚鰾睇落新鮮，食落都冇魚腥味。
鴨血同冰豆腐比較普通，不過食雞煲兼打邊爐就梗係要叫到成檯野先開心麻。
人生要定時定候有野刺激下先好玩，食野都一樣要間唔中刺激下，食下辣野過下癮先有意思。
品記鮮粉人家私房菜館
地址：土瓜灣浙江街18號利·港灣18 1樓
Tel : 6677 8816
0 意見:
張貼留言