是日清假放下半日，中午就搵間開左唔算太耐既上環餐廳，慢慢享受一個late lunch。
門口已經話俾人客知呢度走antique路線。
餐廳內有偌大既室內空間，檯與檯之間亦唔算迫夾。
喜歡既重可以坐閣樓既位置。
水係要收錢既不過應該係free flow。
Carrot Salad正正常常。
Tomato Salad既亮點一定係burrata cheese，入口軟滑富奶香。
Parsnip Soup感覺似南瓜蓉湯但冇左南瓜既甜味，但又散發著另一種根莖類既味道，加上薄荷油也添加了香氣。
Fish Fillet話係本地魚，食落熟左少少但仍算嫩滑， 冇問店家用左咩魚，但食落唔似係急凍魚肉先。
Seafood Pasta跟上本地海鮮，除左蝦肉亦加左魚肉粒，pasta雖幼身但仍有咬口，感覺又有少少公仔麵既feel，味道微辣同蒜香混在一起十分惹味。
店家除左茶啡和主廚既出品外，店內都陳列左唔少古董，加上店內既簡約配搭及氛圍，儼如一個放置古董既藝術空間。
店員態度跟餐廳給人既感覺亦十分吻合，當想埋單時店員話「咁趕時間? 唔坐多陣先? 飲唔飲杯啡呢...」，聽完覺得佢又岩喎，就乖乖坐低睇多一陣古董飲多啖野先諗下一站。
地址：樂古道25號
Tel : 26666570
