又一個多年朋友，年中回港辦點私人事務，趁有空檔食飯見面，最後去左上海三六九菜館。
呢類上海小菜館已經買少見少，下次朋友回來都未店家重做唔做，所以有得食就食左先。
一坐低朋友左望右望完，就話好多野都想食。我話試下外國難搵既野例如鱔糊先。
清炒鱔糊其實唔清淡，每一啖都食到濃重油香。
鱔糊中既鱔肉條條都粗身爽口，韭菜吸收左油香都好惹味。
輪到小籠包上場。
小籠包包皮都幾薄，咬落又唔少肉汁。
朋友想食白飯，當然又要叫個濃重口味既回鍋肉來下飯。
肉片略為大塊左一點，也切得厚一點，不過味道做得到位，仍是送飯佳品。
最後小弟想試一試呢度既嫩雞煨麵。嫩雞煨麵都好足料，雞肉同菜都有夠多。
吸左湯既麵條變成麵糊一樣唔錯，不過個人比較喜歡美孚既版本。
雖然今晚既重點係見朋友，但好酒好菜真係可以令成件事錦上添花。
上海三六九菜館
灣仔柯布連道30-32號地舖
2527 8611
0 意見:
張貼留言