由於日本天氣預報今日有多個地方落大雪，大阪馬拉松官方在朝早零晨5點先確定賽事如期舉行。
睇完消息訓多陣就起身食早餐。
尋日已睇左一早附近有咩選擇，今朝先去食親子飯。
今朝就算未落雪，氣溫都係得2~3度，本來打算由酒店行半個鐘去起步場館，最後怕冷親未起步就自廢武功，都係改坐地鐵。
去到大阪城護城河，開始見到會場banner指示。
大城市馬拉松通常都會萬人空巷，大阪馬拉松都唔例外。
因為遲到場，行出起點已經迫到爆，都係留係全馬隊尾起步。
扮演大阪世博吉祥物既跑手。
跑跑下重有minions陪跑。
天氣雖凍，好彩都可順利完賽。
不過完賽後，排隊等入室內場館拎寄物包既安排好有問題。
室外等候人龍太長，有跑手係室外等接近一個鐘都入唔到場館而凍到暈左，自己算比較好彩只在室外等左20分鐘，但由開始排隊到拎袋換衫都要一個鐘。
太餓關係隨心係地下街試左間牛ノ福 クリスタ長堀店。
米飯口感還好，牛肉就比較普通。
食完番酒店沖涼換衫，休息一陣就早點出發去牡蠣HachiRou86食晚餐。
去到時間尚早未有其他食客。
睇完餐牌都係要牡蠣full course。
Full course先上餐前小吃。
即開鮮甜牡蠣。
烤焗牡蠣。
海水味不太強但重蠔味。
輪到炸牡蠣上場。
牡蠣炸得香脆中間仍軟嫩。
最後補炭既烏冬都不錯。
吸左帶海鮮湯汁令人更有食慾。
食完牡蠣晚餐時間尚早，出去行下消化下。
今晚條街好似少點人，話曬自己都係跑步人，就同固力果跑步人影張相。
頭先個餐留左力，今晚宵夜就早點去まえだ家，由心齋橋行5分鐘就到。
店家在basement，廚房在入門左邊，貼住廚房係一條超長原木做既餐檯，呢種長木而家買少見少。
餐牌唔算好多選擇，睇左飲食網站人地點咩我地就跟機。
店家主打刺身拼盤、海鮮料理及おばんざい京都御番菜即家常菜。
前菜如魚仔蛋黃沙律，看似簡單但美味。
燒魚非常好，有熱度有炭火香。
其他家常菜及炸物都有水準。
今晚重有少少體力，去埋24小時KORHO超市行多個圈。
夜深既超市任行任買。
買少少手信先番酒店休息。
大阪市中央区南船場2 クリスタ長堀地下街2-9
06-6282-2140
大阪市中央区心斎橋筋2-2-29五つ星ビル5F
06-6213-8622
大阪市中央区東心斎橋1-12-19エイトビルヂングB1F
050-5594-0716
大阪市中央区南久宝寺町1-10-4
06-6271-5040
0 意見:
張貼留言