今朝訓到自然醒，見到天氣幾好，下午番首爾應該唔會太塞車，可以慢慢執野先check-out出發去食韓牛午餐。
午餐去Bareumi名品韓牛 바르미명품한우。遠睇以為係體育館。
自己用pad點餐，個pad重會有其他功能例如泊車提示。
前菜係自助型式。
自助既重有飲品及甜品。
韓牛套餐主要係燒韓牛加牛肉湯或生牛肉飯。
點好餐一陣就由機械人餐車送上韓牛。
其他如韓牛牛肉湯及韓牛牛肉飯就由人手送上。
牛肉湯既肉味都幾濃，牛味就一般應該係味道都落曬去湯度。
另生牛肉份量好夠，撈完飯後每啖都食到唔少韓牛肉。
燒韓牛加新鮮蔬菜同配菜都好食。
其實淨係牛肉湯及生牛肉飯都好夠食，加埋燒韓牛真係食完有九成飽。
食飽係附近行一行，都見有盛開既櫻花樹群。
行完就出發北上番首爾。
去到離首爾一個鐘車程既休息站抖一抖，落車去個廁所兼補充一下。
咖啡一般反而冬甩幾鬆軟，不過口味比想像中甜。
直奔首爾站還車，上到去已接近黃昏。
再坐地鐵去明洞check-in。
呢間Ekonomy Hotel Myeongdong位置幾方便，出明洞站三分鐘就到樓下。
浴廁合一但算乾淨。
不過房間超細，夜歸早出只留幾個鐘冇所謂。
晚餐去梨泰院，試下有米芝蓮既校羊食事교양식사。
到埗已接近9點，好彩冇訂位都可以入座，不過已準備last order。
店家主打澳洲羊肉，亦只會用不足10個月大既羊肉。
坐低即刻叫兩份燒羊肉French Rack同Shoulder Rack。
店家會在客人面前代燒，羊肉一路燒口水一路流。
燒好既French Rack岩岩收曬血水又肉味濃郁，脂肪比例偏低，入口帶一點焦香。
Shoulder Rack更軟滑，油脂味道更重。
食落只有少許羊羶味，入口肉質非常軟嫩。
放係燒爐邊一路吸收左羊油脂既蔬菜都唔好放過。
食完羊肉重有貨，番市中心順路就去金豬食堂睇下，可惜已過last order時間。
費時再搵下一間，就試下同一條街另一間韓烤店금성회관 약수역직영점 Geumseong Hall Yaksu-dong直營店。
裝修同一般唔同，logo同餐具都走閃閃金光路線。
睇下網上資料呢度似乎出名食五花腩，就叫一份再加個肩肉就好。
配菜已擺好個陣。
五花腩成舊燒好先切件。
燒好既五花腩油香十足，肉質都真係幾鬆軟，就算燒熟少少都唔會口感變硬。
食完就可以滿足咁番酒店休息訓覺。
Suseong-gu, Dusan-dong, Muhak-ro 78, Daegu
+82 53-764-7640
서울특별시 용산구 한남동 683-134
+82-10-7601-4041
금성회관 약수역직영점 (Geumseong Hall Yaksu-dong direct branch)
서울 중구 다산로 137 1층 401호
0507-1302-9131
0 意見:
張貼留言