今朝8點就要起身，因為plan左一早就去拎車，跟手係仁川傳統市場食個早餐就開車南下賞櫻。
租車店係仁川CGV戲院商場入面，太早關係成個商場既店舖都未開，店員帶路穿過商場去停車場拎車。
先去仁川既傳統街市新基市場食早餐，市場隔離就有多層停車場，食完可以順手同餐廳拎泊車卷。
入去市場行左個圈，海鮮同豬手檔都幾吸引。
早餐去左光明棒槌刀削麵條店。
泡菜同醃蘿蔔放係一角，想食就自便。
熱辣辣既刀削麵出場。
湯汁有少少杰但幾惹味。
刀削麵幾有咬口，但麵既份量太多，食極都未見底。
食飽麵就係市場行多個圈，行行下見到煎餅檔既出品又好似幾好咁。
忍唔住買幾塊蔬菜煎餅，一陣開車沿途試下。
一直揸左三個鐘，終於到左全羅南道既潭陽。
來到南道藝談남도예담食午餐。
到埗都兩點半，食午飯既客人都走得七七八八。
點完餐轉頭就成檯放滿前菜。
呢度既名物係鐵板上既爆汁韓牛牛肉餅。
菜式走精緻路線。午餐套餐除左主角牛肉餅，重包左好多前菜、竹筒飯、小食及醬蟹等。
竹筒飯幾好，米飯有果仁香氣。
自己喜歡食carpaccio所以都幾鍾意用韓牛既生拌牛肉。
醬蟹唔係爆膏出品但鮮味十足。
各式小食野菜食落清爽。
唯獨醃漬蕃茄覺得太重口味。
食過午餐去附近既Migag Cafe坐下。
Migag Cafe出面有一排櫻花樹下既室外座位，如果開滿花既話應該會坐滿客人吧。
室內都有唔少用心既佈置同裝飾。
坐位都分得夠開，感覺幾寧靜舒服。
藍莓甜品還好幾幼滑，但百香果飲品比較甜，加左水溝淡都飲唔曬。
離開cafe就開車到麗水check-in，沿途都見到櫻花樹盛開。
呢間麗水Darakhyu Yeosu位置係麗水Expo埸館入面3樓，車要泊入Expo地下停車場。
離開停車場先上地面。
再轉電梯上三樓平台就見到。
大堂環境係幾好。
可以遠望麗水海岸線風景。
不過房間真係太細，一落床已係廁所同門口。
行李喼幾乎冇位打開，攪到要放入座廁後既平台位。
浴廁合併一前一後，最大問題係沖完涼發現廁所門滲水出房地下，住多一晚既話隨時滲到床邊。
晚飯時間開車到黃金醬蟹황금게장。
去到都八點已過晚飯時間高峰。
叫左醬油蟹套餐當中包括醬油蟹、辣醬蟹及醬油蝦。
醬蟹未到先飲啖蟹湯暖下身。
前菜、醬油蟹、辣醬蟹及醬油蝦一一送上。
.jpg)
醬油蟹份量唔少。
醬油蟹既蟹膏唔算多，但蟹肉鮮甜，而且醬汁既味道幾香又夠入味。
辣醬蟹都可以，但食食下都真係幾辣。
醬油蝦有驚喜，可能因醬汁調較得宜，所以蝦鮮在醬汁映襯下也突出。
完成醬蟹晚餐後，順道上山觀賞下麗水夜景。
由山上望向麗水另一邊會有不同景緻。
落番山就到麗水海洋公園東面既海邊夜市行下。
到埗都9點幾但呢度好熱鬧，望海既餐廳都重有唔少食客。
沿途見到唔少餐廳供應麗水章魚三合，既然黎到麗水又重有胃口就會一會佢。
章魚三合主要係章魚加五花肉再加泡菜。
當中都加入其他食材如金菇、韭菜、海蝦同螺肉等。
章魚三合既主要材料組合聽落好似有點怪，但放到上檯又幾順眼。
店員會代為炒熱食材，其實豬腩肉熟左就食得。
感覺係食緊韓式辣炒泡菜豬腩片再加入章魚同海鮮。
入口都幾惹味，見有人最後加個飯落去吸汁兼煎香黎食，呢個做法真心吸引但太飽冇試到。
食完麗水章魚三合，見番頭先經過既甜品檔여수돌문어빵既芝士拉絲章魚餅，今次行過冇咁多人就買個試下。
即叫即整所以要等一陣。
章魚餅外層唔算好脆，但食落唔會太甜兼有拉絲效果，雖然要等但都試得過。
食埋甜品今日收工，聽朝正式開始去賞櫻。
Hotel Centric Incheon
15 Yesul-ro 204beon-gil, Namdong-gu, Incheon
+82 32-724-2000
인천광역시남구신기길58번길6
+82 32-865-5424
光明棒槌刀削麵 광명홍두깨칼국수
인천광역시 미추홀구 주안동 1339-63
+82 2-2625-6235
전남 담양군 월산면 담장로 143
+82-61-381-7766
9-9 Wandong-gil, Damyang-eup, Damyang, Jeollanam-do
전라남도 여수시 박람회길 1, D동 3층 Da-306호
+82-61-661-5400
Udu-ri, Dolsan-eup, Yeosu-si, Jeollanam-do, Korea
전남 여수시 우두리 651-25
+82-61-644-3939
여수돌문어빵 (芝士拉絲章魚餅)
전남 여수시 하멜로 64-15 1층
0 意見:
張貼留言