十二道嚐味 : 大公館 萬慶軒

都有一段時間沒跟食友聚餐，今晚來到已由會員制改為向公眾開放既大公館萬慶軒，幾個人來試試新的琴歌酒賦Tasting Menu十二道招牌嚐味套餐。

前菜的介末燈影牛肉切得較厚較有咬口，介末的後勁也真的幾強，而田園春色卷入口清爽，吃著菌香在口中散發，再來既潮式滷水慢煮鵝肝出場，鵝肝的油潤在滷水襯托下更突出。

湯品上來松茸千絲魚丸羹，吃著除左松茸香氣之外，另一主角的魚丸入口彈牙也帶鮮甜魚味。 

酥皮大明蝦炸得香酥，蝦肉鮮味不錯之餘，蝦殼都炸得夠透徹，可以同蝦肉一齊食落肚。

粉蒸五香黑豚肉食落有黑豚五花腩既油香，又有底下粉皮既軟滑口感。

酒香焗三杯雞上檯後店家先淋上酒再點火，等火熄滅再打開煲蓋一刻，酒香撲鼻令大家都對這出品有期待，而雞肉在其他食材及酒精洗禮過後，入口真的香氣滿瀉，加上雞肉又嫩滑，可說是今晚最滿意既其中一道菜。

食左唔少肉係時候食點菜來中和一下，金湯鴛鴦白玉枕看似清甜食落卻味道幾濃郁，因為棷菜當中其實包著碎豬肉及蝦肉等食材。

到了粉麵時間，大公館招牌炒飯用上店名加上叫做招牌，所以每次出來都有水準，每次再飽都要食番碗，先令這一餐感覺更實在。

甜品來了自己未食過既反沙淮山，反沙芋偶爾也會食，反沙淮山是第一次，吃著比反沙芋多了爽脆的口感，而流心黑芝麻酥外層十分鬆脆，內裡既奶黃餡又真的非常流心，最後既傳統薑汁撞奶既奶香濃，奶香過後既薑汁既暖胃也暖和一點滯脹感。

大公館萬慶軒除左十二道嚐味招牌套餐外，現在這裡既午市點心都有七折優惠，在附近番工既朋友又多左一個食飯既好選擇。

大公館 萬慶軒

地址：荔枝角長義街9號D2 Place 1期10樓A號舖
電話：2743 8055