近半年多左係港島東食飯，有時間都會行入太安樓睇下有咩好野。
發現有間係香港仔食過既burger店搬左入黎。
小店黎講都算多選擇。
先上黎係雞油馬友配薯條，食之前噴兩噴花雕酒增添風味。
馬友魚肉口感緊緻，雖炸過但魚肉入口仍嫩滑，不過雞油味唔算好突出。剩底既蛋黃醬都好惹味，用黎點薯條fit曬。
跟手送上既余均益蛋黃醬炸龍崗三黃雞漢堡。
近睇呢個漢堡都好厚身。
三黃雞食落雞味係幾濃，響蛋黃醬同余均益夾擊下仍食得出雞味，而加左余均益都唔奇怪，反而余均益既酸度可以平衡下油膩。
追加既炸雞鎚粉槳睇落有點多，好在食落唔算太厚，咬落非常鬆脆。
呢度重有其他出面搵唔到既burger同其他野想試，應該會搵日再來試下。
西灣河太安樓第三街A61 A&B號舖
5206 2586
0 意見:
張貼留言