第二朝一早起身，即刻行出街搵早餐。
點知又係落雨，唯有打消念頭留係酒店食早餐。
行左入餐廳一轉，食品選擇唔算少，又有少少地道出品，就去check-in counter放低1430yen黎個任食早餐。
早餐黎講都真係唔錯，茶啡果汁任飲，西日出品加白飯麵包烏冬湯汁都齊，呢個價係香港機場禁區入面食早餐都係得碗麵加杯飲品。
唔想拖喼既其實可以去大阪站寄倉都得。
由酒店行去大阪站既商店街，唔少餐廳都有早餐供應。
甜品店都已經有人龍排隊等入座。
經過3coins又入去行個圈，300yen既家居出品似乎好多都好睇又好用。
再認真睇下附近既站同地下街地圖，好似都唔算好複雜。
加埋天花板既指示，攪得清楚自己想去邊度去邊個站，想坐JR、阪神、阪急定御堂筋線既話，跟足指示行就唔會太大問題。
經過阪神百貨梅田本店，門口有條好長長長長長既人龍。
原來阪神虎繼38年前拎過日本職棒聯賽冠軍之後，今年11月終於再嚐冠軍滋味，百貨店推出左慶祝阪神虎2023優勝記念特別出品。
唔怪特咁多人要排隊買蛋糕。
行下行左去LINKS UMEDA，因為有間佔地幾層既Yodobashi Umeda友都八喜相機多媒體梅田店睇下電子產品。
順手又可以行下岩岩今年先係落戶香港既Nitori家品店。
行完街食個early lunch，因為想早一點完成午餐便去神戶拎選手包。一心想食肉同飯，就行上8樓既Takeru Steak & Hamburger 梅田店。
點左西冷加牛柳。
任加蒜片正。
醬料多到試唔曬。
呢度白飯、湯同咖哩汁都任裝。
店家另有個味道清爽既自家garlic sauce食落又真係好味好夾肉類。
加上店家個深啡色咖哩都好濃又惹味，結果都KO左唔少白飯。
食飽就上路去神戶拎跑手包。
場內有介紹賽道邊個位有水飲有咩食。
有圖有真相，有生果重有朱古力大福。
完賽最緊要，時間既野隨心就好。
跟手去check-in，今晚留係神戶三宮光輝飯店訓一晚。
坐一陣就出動，因為要出番大阪食和牛丼。
番到大阪即刻衝去難波既匠のお重和牛 韋駄天IDATEN試下和牛丼飯。
呢度用炭火燒牛肉將肉汁封住，睇都覺得吸引。
牛肉丼飯送上。
牛肉既份量唔少。
入口有豐富既肉香，加上蛋黃更嫩滑。
飯粒也做得好夠飽滿，跟牛肉同吃是另一種享受。
另一款記得好似係限定出品，自己冇試但睇落都吸引。
食飽行下步行街。
見到成間扭蛋機舖gashacoco就入去行下。
真係好多扭蛋機。
乜都有得你扭。
行行下見到係香港已只剩回憶既元祿。
行到步行街順便睇下呢間mark低左既爐端燒 妻籠。
落一層通過走廊先到餐廳。入面都幾細，想食最好訂位。我地六點幾去到冇位，好彩八點後有，就決定八點再番黎食埋先番神戶。
野食都幾多元化。
海鮮都有唔同選擇。
燒好既餐點用木槳送上。
只係點幾串肉、貝類同蔬果試下。
味道還好吧，其實是想來見識及感受爐端燒的氣氛。
埋單係數下你有幾多塊木牌，好原始但都幾有趣。
吃罷是時候回神戶，因要留力兼好好休息，聽日一早去完成神戶馬拉松後再食過。
1-1 Ofukacho, Kita Ward, Osaka
06-6486-2225
B2F-4F, 1-1 Ofukacho, Kita Ward, Osaka
06-4802-1010
神戶市中央區江戶町92
078-391-8182
大阪市中央区難波3丁目5-1 なんば一番ビル1F
080-4477-4043
大阪府大阪市中央区難波1-8-20嘉光ビル2F
050-5600-9327
大阪府大阪市北区小松原町4-6
06-6363-0919
0 意見:
張貼留言