今日會一早拎車開車準備上台南。
早餐簡單一點，行去酒店出面街口開24小時既小店解決。
就買蛋餅同豆槳當早餐。
到台南前先到岡山區橋頭糖廠站，搵一搵蜜甘站長既足跡。
泊好車行入站。
見站內只得幾個觀光客，已心想蜜甘應該不在。問一下當值人員，才知原來蜜甘現在一個月只會現身一日。
既來到就在附近行下，因為糖廠舊址都係覲光點。
離開橋頭糖廠站就開車直上台南，早一點去阿裕牛肉涮涮鍋試下火鍋午餐。
十一點後來到出面等候區冇人，原來客人全已坐下，一樓已坐滿客人。
一入門就見到手切牛肉區。
坐在樓上既二人檯。
點好牛肉便要自己去自助區拎醬料餐具。
已習慣在台灣打邊爐會伴白飯，另醬油比香港既淡口，其實牛肉味夠濃的話醬油偏淡更好。
想買飲料及牛肉以外既配料如菜及豆皮，便要落一樓到入口旁既自助餐點區即取即付。
湯頭清澈卻有不錯牛味。
一人份既特優頂級牛肉出來都唔算少。
牛肉睇落好似瘦一點，但食落完全唔韌且牛味非常濃。
另一碟既牛筋肉要先下鍋煮十分鐘。
牛筋肉食落多點油香但牛味比唔上前一碟，不過份量超多食極都有。
牛肚爽彈，豆皮也有豐富豆香。
另加的蔥爆頂級炒牛肉雖係爆炒煮法，牛味仍突出值得一試。
呢一餐吃得很滿意因牛肉真係好食，難怪一開門已幾乎滿坐。
食飽就去MITSUI OUTLET PARK台南落下格。
Outlet共三層，都係一堆知名既牌子。
上面其中層有food court，行都攰可以隨心坐下食少少野。
最好既係可以係大熱天時在室內涼住冷氣行街shopping。
行到咁上下就去米芝蓮推介既七股養蚵園家。
到達已接近三點，但店家仍有超多單在等出菜，結果等左接近一個鐘先有得食。
一個蚵嗲都唔細，外層香脆中間十分足料。
咬落有唔少蚵嗲肉。
鮮蚵海鮮粥材料豐富。
材料之一既吳郭魚片油份充足又嫩滑。
完成蚵嗲海鮮粥輪到甜品，決定到榕樹下璞味綿綿冰河樂店試下。
裝修似走懷舊路線。
間唔中出黎巡下舖面既店家狗狗。
呢度既綿綿冰係一球球咁叫。
叫左芋頭、藍梅同芭樂口味。
芋頭同藍梅既味道還好，芭樂食落最有新鮮芭樂既香甜味。
落到台南順手買百年老店既滋美軒肉鬆番香港。
記得幾年前誤打誤撞買左，今次當然要留兜回味一下。
經過熱鬧既國華街，順手買左米玥麻糬堂既出品。
花生粒粒經典麻糬唔黏口但咬落好煙韌。
入面花生十分足料又炒得香口。
接近晚餐時間，心想其實唔算有太多時間食飯，就係附近搵左Nest炭火燒肉專門店。
食完冰又食左麻糬，呢餐本來諗住食少少就好，最後都點左四款肉加蔬菜沙律。
蕃茄甜美多汁。
洋蔥幾辣不過食完胃口好左。
肩小排肉味濃，牛舌食得出係新鮮。
豚里肌一路燒一路出油。
食落成口豬肉香。
用炭火燒出黎既野好難唔好食，加上呢度既居酒屋氛圍，如果多幾個人一齊又唔使揸車既話，食住燒肉飲番杯都唔錯。
戲院前身係第一全成戲院，除左導演李安高中時最常到此觀賞電影外，另一賣點係戲院仍然用手繪電影廣告板作宣傳。
台南最後一站係浪浪別哭，探下台南既小動物順便支持一下。
正常cafe格局。
飲品正正常常，食完燒肉飲多杯野當降下火都好。
下層係狗狗既天地。
佢地都好親人好乖，睇得出當有客人同佢地玩既時候佢地真係好開心。
上層係貓貓大本營。
貓貓可能見慣客人都幾自在。
可能因為好多都係成貓，加上以前流浪過既經歷，所以比較冇咁活躍。
最貪玩既就係睇落最細個隻貓仔，成晚左撲右撲，想幫佢影相都有難度。
就算天生出黎已經係流浪既動物，其實都可愛同有值得被愛既權利。
離開浪浪別哭就直接開車番高雄市區。
今晚就近近地係酒店附近既六合夜市行下就好。
最後只係睇中左餃子檔。
即包係有比較有吸引力令人想試下。
餃子皮都係即做。
番酒店前就買左餃子同酸辣湯試下。
酸辣湯唔似港式口味，冇咁辣又冇咁酸。
餃子唔錯皮雖不算非常薄但也不厚，餡料足有肉汁。
最後試埋個文旦，呢個雖然唔算好多汁又唔夠甜，但都想聽日買多個試下。
高雄市橋頭區興糖路19巷號
台南市仁德區崑崙路733-1號
886 6279 5500
台南市歸仁區歸仁大道101號
886 6 303 3666
台南市仁德區德糖路376號
886 981 563 520
台南市中西區河中街20號
886 6 223 3865
台南市中西區國華街三段10號
886 6 222 4209
滋美軒肉鬆
台南市中西區民生路二段64號
886 6 222 4910
台南市中西區新美街11號
886 6 223 3338
臺南市中西區永福路二段187號
(06) 222-4726
台南市中西區忠義路二段83號後巷
886 6 221 7250
高雄市新興區六合二路
07-285 6786
0 意見:
張貼留言