今日留係九龍消費，去左九龍灣工廈區搵食。去到餐廳樓下，想起對面就係當年令人驚喜既談風．再說，真係有點唏噓。
薑媽位處一樓，行上去就見到。
餐廳感覺十分warm，令人像置身日式餐館之中。
呢度除左便當同手打漢堡個menu，對我黎講另一個更吸引既menu係一汁三菜定食，一汁係湯品，三菜係一個飯跟一個主菜加一個副菜，而副食可以加錢追加。
雖然兩杯都係跟餐飲品，飲落都好足料。
叫左一客南蠻炸雞主菜跟副菜既明太子玉子燒再加椒麻涼伴帶子群邊副菜。
米飯粒粒分明，南蠻炸雞做得夠酥脆。
椒麻涼伴帶子群邊好醒胃，明太子玉子燒軟滑又惹味。
另一個餐係右邊既豚角煮跟大蔥蜜糖煙鴨胸再加和風蟹棒沙律。
豚角煮炆得入味又份量十足。
和風蟹棒沙律十分爽脆，大蔥蜜糖煙鴨胸食落帶蜜糖香甜。
好彩今日有狀態夠食力，因為出品都做得好，令人唔想浪費，所以要爆一爆小宇宙先食得曬。
但上個星期再去，店家既一汁三菜定食已改為只得一至五供應，冇左呢個定食既話星期六就應該唔會上黎了。
薑媽 Grandma by W.O.M.
地址：牛頭角大業街29號海洋工業中心1樓A室
Tel : 2777 2332
0 意見:
張貼留言