呢排行山都去多左新界大西北，變相多左機會入去搵野食，元朗咁多野食自然會走入去睇下，時間唔早出番去轉頭就食晚飯，就搵左食友提過兼冇咁heavy既餃子試下。
餃子都係即包即煮。
出品唔算好多花款，都係幾款餃子再煎或湯煮，另外都有小食之類，最吸引自己係有老火湯同燉湯，想飲既個款燉湯賣曬，今日就試下老火湯。
叫左韮菜鮮肉湯餃同煎辣菜脯鮮蝦煎餃，老火湯先上，睇落夠火喉飲落都順喉。
韮菜鮮肉湯餃大隻得黎都幾飽滿。
裡面既肉同菜比例都唔錯。
煎辣菜脯鮮蝦煎餃既一面煎得香脆。
咬落落先食到辣菜脯既香辣，蝦肉味緊隨散發。
呢度既菜脯同辣椒油都唔好錯過。
下次入元朗掃街，唔想食太飽又想食多幾樣野既話，有機會再幫襯食下餃飲下湯。
維港灣餃子坊
地址：元朗水車館街74號地舖
Tel : 2568 0166
0 意見:
張貼留言