迷你.黑洞

Happiness Real only when shared.

[食譜.中式] [李錦記特輯] 20分鐘煮2個餸無難度



結左婚,有左自己的家庭,先知道媽媽以前日頭要返工,夜晚返到屋企又要煮飯,是一件非常非常攰既的事呢。結婚之前明明日日都晌度諗緊到底結左婚之後晚餐可以煮0的咩餸,又諗晌屋企準備定好多涼拌小吃,到老公夜晚想食宵夜果陣就有好多野可以俾佢食,點知結左婚大半年,幾乎一次都無真正煮過,因為夜晚放左工之後再去買餸,然後再真係煮都已經係九點幾既事,食完又要洗,真係只可以講句心力交瘁。

今日係我同老公結婚之後既第一個拍拖紀念日,雖然結左婚應該好多人都只係會慶祝結婚紀念日,但其實平常生活已經好忙碌,所以我認為一0的值得紀念既日子都應該繼續慶祝!!偶然為對方製造一0的驚喜,咁樣生活先會更充實更愉快~~就係之前因為我地未有自己既家,所以每次慶祝都係出去搵好既餐廳食飯,但係我覺得今次要有少少唔一樣,話晒都係結左婚之後既第一次,所以我決定親自下廚煮一檯好餸!!算係俾佢一個驚喜,因為咁耐以黎我都無好正式咁煮過一餐飯俾佢食,最多都只係煮下公仔麵或者意粉。

為左隆重其事呢一日,我之前已經開始諗定到底果日要煮咩餸,因為我下煮既次數真係少之有少,所以都好擔心會煮得唔好食啊~~好耐之前媽咪都傳授過一0的拿手小菜俾我,因為我媽咪其實煮飯超級好食!!只不過因為佢太忙,平日都無乜時間煮,所以每次佢煮飯既話,我同爸爸都一定會返屋企食飯,大家圍著一齊搶餸食既日子真係好開心呢!!後來因為我地搬左同婆婆一齊住,所以媽咪煮飯既機會就更少,佢只會晌大時大節果陣親自下廚,每次媽咪宣佈今晚要煮飯既時候,我地都會大聲歡呼,就連我老公都讚不絕口呢~~~

對於要煮咩餸,我第一樣就諗到係麻婆豆腐,因為麻婆豆腐可以話係我屋企既一個招牌菜。我全家都好鍾意食辣,所以細細個已經開始食辣,而每一次做節既時候除左會見到雞、魚、蝦之外,都會出現麻婆豆腐!!呢味餸每次都係最快清碟,大家都爭著食~~以前我都有問過媽咪點解每次都會有麻婆豆腐,佢話係婆婆果個陣時已經係咁,婆婆話過見到大家爭住食麻婆豆腐送飯,食到津津有味果個樣,就係佢覺得最開心最幸福既時候呢~~我仲記得第一次我帶老公(當時係男朋友)第一次去我屋企食飯果陣時,我媽咪又係煮左麻婆豆腐,跟住佢食左一啖就勁讚,話好食過出面好多,聽到有人讚媽咪當然好開心啦!!然後每次大時大節我地都會食到,依家連老公都覺得麻婆豆腐係一碟要慶祝既時候就食既餸。所以我今次決定要親自煮一次麻婆豆腐,因為今日係一個好值得慶祝同記住既日子,如果五年前既呢一日我地無決定開始一齊既話,今日又點會有一個咁幸福咁美滿既家呢!!

今日始終係第一次煮,我要保證零失敗!!所以我決定去超級市場買李錦記既醬料包黎煮,其實我之前都有見媽咪用過,因為佢係用開李錦記既醬料既,好耐之前佢見到呢個新出品,就買左黎試,話我知味道唔錯,我媽咪既味覺我當然信得過,只係一直未有機會買黎煮,所以今次就買一包黎試下煮,而咁岩超市又做緊買3包既特價優惠,所以又另外買多一包照燒雞翼醬,因為我見到後面果個食譜超級簡單,似乎失敗率係零!!~~當然只係得兩個餸唔夠既,所以我都買左一支小小既果汁味香檳,食之前可以食返杯慶祝下~~唔單只係慶祝我地既拍拖紀念日,當然都係慶祝我入廚成功啦!!哈哈哈哈~~

麻婆豆

材料:
嫰豆腐 250
免治豬肉 90
李錦記麻婆豆腐醬 1
1.      首先將豆腐切成小塊,備用。
2.      免治豬肉我買左新鮮豬肉,先加1-2茶匙既油去炒香,記得在炒果陣時要將免治豬肉炒鬆,否則就會黏成一舊舊
3.      等免治豬肉熟左之後就加入豆腐同麻婆豆腐醬包。
4.      最後就慢慢炒到均勻,唔可以太大力,因為豆腐會散。
如果你都係鍾意食辣既話,可以自己再調較辣度,我就加左花椒粉同青紅辣椒粒去炒,不過我覺得醬料包本身果個辣度其實係老少咸宜,唔會話好刺激,但係又好適合送飯。

老公食左一啖之後話:同你媽咪煮過0的有九成半似喎!然後又急急咁食左兩啖,我終於明白點解婆婆話見到佢0的仔女爭住食既時候咁開心,因為當你煮既野食得到人地既讚賞,原來係一件好開心好幸福既事!!!!

照燒雞翼

材料:
雞中翼 400
李錦記照燒雞翼醬 1
水 2/3

1.      首先將照燒雞翼醬加水一齊煮滾。

2.      等水滾之後就放入洗乾淨既雞中翼,最後加蓋煮10分鐘到熟透就得。

呢個雞翼真係簡單到難以置信,基本上係唔需要任何技巧,只係跟足醬料包後面既做法就已經可以做到好好味既雞翼。我當晚就留左幾隻雞翼第二日拎返俾同事試,佢地都覺得好好食,仲買我拎食譜,我話我只係買左李錦記既醬料包去煮,佢地都覺得好神奇,仲話收工去買黎返屋企試下煮。

兩個餸加埋好似都只係煮左唔駛二十分鐘,但係水準就好好,好似好專業咁。如果唔係我話俾老公知,佢真係以為我花左好多時間去整,因為兩個餸既醬汁都係好重要,唔係話簡簡單單咁加生抽老抽砂糖就算,所以呢款醬料包真係好得,尤其係我地平時返工咁忙但係又想食住家飯既話,呢個醬料包真係幫到我好多。其實呢種醬料包有十幾款唔同既口味,下次我要再試埋其他口味先得呢!!好快我就會變做人妻廚神啦~

以後要慶祝又好,唔駛慶祝又好,有開心事又好,就算有唔開心既事,只要煮一餐好食既一家人圍住食,所以事都會雨過天青!

就係因為今次慶祝拍拖紀念日煮得咁成功,所以我對煮飯都多左信心,即晚就上左李錦記果個網站(網址:http://hk-kitchen.lkk.com/zh-HK/Kitchen)睇下,原來果度有超多食譜,可能有幾百個咁多,簡單又有、難既又有,又有一0的節慶食品等等,睇黎以後都唔駛四圍上網搵食譜,要煮晒呢度全部都有排啊!!

-------------------------------------------------------------------------------------------------------------------------------

【李錦記125周年滋味相"紛"享】
為慶祝李錦記125周年,現在推出「滋味相“紛”享」活動。
請即click入以下網址:http://bit.ly/lkkhappy125
就有機會贏得Sony NEX-3N 數碼相機、iPad Mini等總值超過3萬元豐富獎品!

2 意見:

個雞翼真係得喎..前前身後後加埋整冒時間都唔洗15分鍾!!!

 

張貼留言