海鮮泰菜賀新春 : Mango Tree

一排冇食泰國菜，早幾日收到圓方Mango Tree的邀約，去試新春期間的節慶海鮮饗宴 ，原價每位$698而家會員專享買一送一優惠，聽落好似都ok又想食泰國野就去一去。

好天氣下坐在窗邊，曬下太陽食下野都幾寫意。

今日最高氣溫上到成25度，熱到夏天咁整杯解渴既青檸泰式沙冰最好不過，店家其實飲品另有promo做緊winter special既第二杯只收10蚊。

前菜上來「鴻運當頭」辣椒膏原隻帶子，金不換既味道先攻入口，之後係辣椒味既刺激，帶子肉厚所以食落口感都可以，作為前菜用來打開胃口係唔錯既。

湯品係「大富大貴」 原隻椰皇燉燕窩，湯頭睇落幾清心諗會唔會唔夠味，但飲落又夠喎亦真係食到燕窩碎，不過椰子味唔夠出，如果可以加番多的椰青水去燉可能更好

主菜先上「笑口常開」炭燒珍寶河蝦，河蝦上檯時燒烤味湧出黎咁滯，燒完既蝦身有焦香但蝦肉又唔會太乾，另蝦頭既膏夠多，要挑剔既話就係蝦膏既味如果濃d就更好。

「年年有餘」係青檸辣椒明爐蒸銀鰽魚，泰國菜本來都有類似既野，不過由常見既烏頭改用銀鰽，烏頭版本食得多通常一路煮一路條烏頭會愈食愈嚡，但呢條銀鰽本身上檯只係岩岩熟，而魚肉入口好滑兼一路食又唔會點變嚡個下先feel good，而湯汁都好醒胃，不過點都要再辣番d，話曬個菜名都有「辣椒」兩個字喎老細。

最後既主菜係「鴻圖大展」砂煲粉絲焗花蟹，花蟹睇落好似唔算好大隻，但其實食落真係好多肉，肉質係食得出既新鮮亦都好鮮甜，另粉絲煮得好入味份量又多，食完呢個即刻飽到九成。

最後既甜品拼盤「金玉滿堂 」由香芒糯米飯、泰式斑蘭千層糕及椰汁西米糕組成，西米糕正常，而斑蘭千層糕講真唔係我杯茶，但香芒糯米飯既入口軟糯就令人有衝動想用千層糕換一舊糯米飯番黎囉，最多俾夠兩舊千層糕又點話。

新春節慶海鮮饗宴由2月6直至26日只在圓方Mango Tree供應，原價不算吸引，但會員可買一送一既話就可以諗下。

Mango Tree

地址： 佐敦柯士甸道西1號ELEMENTS圓方金區2樓2032號舖

Tel : 2668 4884

招牌蝦湯 : 一幻拉麵

剛過既星期日比較得閒，天氣又開始凍，個人開始可以食多d野，中午過後就入屯門tasting試一幻拉麵既屯門新店。

裝修同門面都係走日本風，除左吧檯重有卡位，只係我懶冇影到。

入黎之前已有目標，先試冬日限定「札幌咖哩蝦湯拉麵」跟粗麵。

湯汁既咖哩味十分濃厚，有d搶左蝦湯既風頭(其實都唔係有d囉...)，不過好鍾意咖哩既人應該buy既，而角切叉燒口感都不俗，食落唔會太瘦又有咬口，另呢碗要左粗麵食落都彈牙兼掛湯。

另一碗係屯門店限定「北の極番茄蝦湯拉麵」跟幼麵。

湯底都係招牌甜蝦湯底主打，而拉麵已跟半隻溏心蛋及日本叉燒，溏心蛋及格而日本叉燒肉味濃，另湯中加入蝦油爆香既洋蔥及一片北海道下川町「北の極」既番茄片(睇個日本名好似好勁咁)，片蕃茄係爽口同甜既，心諗食多塊蕃茄都可以幫下手清下油膩感，不過湯汁就冇咩蕃茄味，但招牌甜蝦湯的確好飲，帶起左成碗麵既鮮味。而呢碗幼麵其實一d都唔幼，如果閣下以為係廣東麵咁幼就諗多左，相比之下個人亦鍾意幼麵既口感多過粗麵。

開幕日起一連五日即12月16至20日，一幻屯門店所有拉麵都有「得一賞二」優惠，堂食任何一款拉麵即可免費享用另一碗價錢較低的拉麵。另12月21日至1 月10日會推出$128限定拉麵套餐，包括一款拉麵、一客餃子及飲品及抗菌潔手噴霧。

一幻拉麵

地址： 屯門市廣場一期2樓2319號舖

Tel : 2312 2399

世界最佳餐廳系列 The World's Best Restaurants Series : Gustu La Paz

 這次南美之行因時間關係只到秘魯、坡利維亞及智利遊玩，從坡利維亞「天空之鏡」Uyuni鹽湖回到La Paz拉巴斯逗留的這三天，當然也找會找餐廳試試，這家Gustu是Latin America's 50 Best Restaurants 2017排名第28的餐廳，也是2016年度坡利維亞最佳餐廳。

這裡賣的是坡利維亞菜，用的也是100%坡利維亞食材。廚師是位來自丹麥的女廚師，當年也獲得拉丁美洲最佳女廚師的殊榮。

這裡有幾款tasting menu可選，最便宜的5道菜tasting menu由410Bs起，如果吃素的話也有素食tasting menu的360Bs，而配飲料或酒水要另外加錢。

久違的下午茶時光 : Assaggio Trattoria Italiana

過了九月中後疫情終於開始減退，大家都忍不住想往外走，今天假日的午餐吃得比較早，所以就來了灣仔享受一下久違了的維港景色下午茶。

黃色的Welcome drink是兩杯Bellini雞尾酒，酒味不強果味更濃用來解渴也可以。解渴後下午茶正式開始。

跟上whipped vanilla mascarpone及seasonal fruit jam的新鮮焗製的鬆餅入口鬆脆。

主打的是4款鹹點，

左邊的Grilled chicken, Tramezzini, Pesto, Sundried tomato的三文治中燒雞肉有不錯的肉汁，不過亮點其實是美味沙律醬汁。右邊另一款的Ricotta cheese, Artichoke, Mint, Crostini的包身鬆軟，配上味道突出的朝鮮薊，吃罷也想多吃一件。

釀入吞拿魚肉及香草的紅色baby peppers口味清爽，跟右邊釀入番紅花及松露的濃味金黃脆炸risotto balls反差雖大，但鹹魚青菜各有所好，總有一款岩你口味。

甜品送上4款分別是Tropical Tiramisu, Summer Mango、Tuscan hazelnut, Chocolate cake、Raspberry mascarpone savarin及Mountain honey Panna cotta。

做成蝴蝶型的chocolate cake雖然對我來說太甜，但香滑的Tiramisu跟奶香濃郁的Panna cotta仍叫人吃得起勁。

兩人份的下午茶跟上coffee or tea盛惠$298，如假期時人在灣仔閒逛又不想去太多人的地方跟人背貼背的坐著，這裡是選擇之一。 

離開前看到四人份的海鮮加上35安士肉眼扒套餐也吸引，心想要找天跟朋友來試試。 

Assaggio Trattoria Italiana

地址： 灣仔港灣道2號香港藝術中心6樓

Tel : 2877 3999

世界最佳餐廳系列 The World's Best Restaurants Series : The Ledbury

離開冰島回港在倫敦轉機便順道玩三日，既到來便訂位試試心儀之一的餐廳。準時到達大廚Brett Graham主埋的The Ledbury入口，店家今年已是米芝蓮兩星也是World's Best Restaurant中排名64的餐廳。 

因為早了點到達，我們是今晚第一批坐下的客人。

內裡佈置簡潔優雅，餐點一早已由身邊人選好，而店家也跟客人事先說明因要全檯客人都選擇同一餐單的關係，今晚我倆都一同享用了Tasting menu的菜式。

前菜小食很精緻另酸種麵包跟也鬆軟，不過怕太飽所以只吃了一片麵包而已。

世界最佳餐廳系列 The World's Best Restaurants Series : Florilége Tokyo

這次東京之旅的最後一天，吃罷早餐送爸媽到JR火車站，他們登上往輕井澤的火車後就往Florilége 餐廳走去。這個午餐安排需在出發前幾個月在網上訂位，更要預先選餐並付全額才可確認。

進入餐廳門口的樓梯位置很低調，不留意的話也幾乎看不到 Florilége的店名。在最新的 Asia's 50 Best Restaurants這店排名第7位，也在The World Best Restaurant 2019 排名63，主廚Hiroyasu Kawate川手寬康曾任職於米芝蓮三星餐廳Quintessence，而Florilége的出品屬於modern French cuisine。最新的2022 Asia' 50 Best Restaurants Florilége 已升至第三位。

用餐的區域設計很特別，完全是一張大型吧台一般，有兩棵小樹在廚房中間，感到像在個秘密花園裡內餐的感覺，且開放式廚房可以讓人邊吃邊欣賞廚師們準備食物的情況。

十二道嚐味 : 大公館 萬慶軒

都有一段時間沒跟食友聚餐，今晚來到已由會員制改為向公眾開放既大公館萬慶軒，幾個人來試試新的琴歌酒賦Tasting Menu十二道招牌嚐味套餐。

前菜的介末燈影牛肉切得較厚較有咬口，介末的後勁也真的幾強，而田園春色卷入口清爽，吃著菌香在口中散發，再來既潮式滷水慢煮鵝肝出場，鵝肝的油潤在滷水襯托下更突出。