最後一日一早先去嘆杯咖啡。
Blackbird coffee由酒店行兩三分鐘就到。
呢度既出品有唔少外國口味。
都有少少烘焙出品。
咖啡出品亦似番外國既風味。
越南滴溜咖啡有料到。
早餐去Bánh cuốn試下蒸粉卷。
客人唔少要等位等落單，店家做唔停。
人太多等左15分鐘先有得食。
蒸粉卷口感好，入口軟滑又有米香及菌香。
點左魚露後米香更突出。
另外小食如扎肉餅同臘腸都食得過。
Check-out前重有時間，就匆匆試多間Bún Thang Thanh gia truyền雞河。
既然重食得落，就叫雞河、雞麵加撈麵試下。
三碗既雞絲都算嫩滑，就算係雞胸位雞絲都不錯。
撈麵就口感一般。
都係河粉比較得我心，食落滑溜。
吸左湯汁後河粉又有點雞油香。
完成雞河就番酒店check-out先，順便行下睇下舊建築同有咩好買。
行到接近午餐時間，早點出發去奧巴馬到訪河內時都食過既Bún chả Hương Liên。
中午人多到暈，上到四樓先有檯。
奧巴馬食飯張檯已被封存。
叫左奧巴馬叫過既野，再加兩樣share下就夠。
燒豬肉都可以既，入口軟熟只係炭火味唔算重。
春卷都算香脆，餡料有點多。
食飽就行下King Le Thai To's Temple黎太祖廟。
室內室外都保養得唔錯。
行到夠鐘就去Orient Spa & Nails。
按下摩兼休息下。
按完就食過早dinner，試左前一日見到勁多人食既Thịt xiên nướng燒烤。
店員燒唔停手，晚市未到但已經好多客。
人手一客皮脆甜法包。
法包配燒肉都食得過。
串燒好夠熱，又有真炭火香。
就算係配菜都唔錯，入口爽脆。
食完串燒重有少少時間，番酒店拎行李前，食多一次第一日既Phở Khôi Hói。
食多碗牛肉河粉先上路。
食飽book車去機場。
順利check-in完，去Tealive來杯茶飲就入閘上機。
Blackbird coffee
63B P. Lãn Ông, Hàng Bồ, Hoàn Kiếm, Hà Nội
Bánh cuốn蒸粉卷
Dốc P. Hoè Nhai, Trúc Bạch, Ba Đình, Hà Nội
Bún Thang Thanh gia truyền雞河
2 ngõ 23 Tôn Thất Thiệp Hà Nội, Hanoi
Bún chả Hương Liên
24 P. Lê Văn Hưu, Phan Chu Trinh, Hai Bà Trưng, Hà Nội
King Le Thai To's Temple 黎太祖廟
16 P. Lê Thái Tổ, Hàng Trống, Hoàn Kiếm, Hà Nội
Orient Spa & Nails
18 P. Báo Khánh, Hàng Trống, Hoàn Kiếm, Hà Nội
Thịt xiên nướng燒烤
18 P.Hàm Long, Phan Chu Trinh, Hoàn Kiếm, Hà Nội
Phở Khôi Hói河粉
50 P. Hàng Vải, Phố cổ Hà Nội, Hoàn Kiếm
0 意見:
張貼留言