星期三請咗假有事要做，晏晝想食好少少，突然醒起珍姐響中環開咗新麵店,就今日去試下。
其實珍姐間火鍋店都未食過，因為就唔到訂檯時間，既然都係未食過，就食左麵店先。
平日晏晝11:45左右到達，門口已經有七八位客人排緊隊。舖頭唔係好大，大概只可以坐20人。
前菜有豆芽同埋加左檸檬汁既清爽牛筋。
兩款麵都跟上一碗牛清湯，雖然睇落去好似好清淡，飲落其實幾香濃。
先試下牛擔擔面。
牛擔擔面個汁好杰，不過帶好香藤椒味，食落亦唔太辣。
入口似撈麵多啲。
值得一讚係啲牛肉粒，好有咬口又好有牛味。
食到中途可以加湯，味道就冇咁濃。
會係另一種風味各有各好。
輪到牛油拌麵上場。
牛油拌麵有牛叉燒、牛胸爽同牛舌。
麵質彈牙有油香。
牛舌就冇試，而牛胸爽細細塊好爽脆。
至於牛叉燒出品，如果唔知係牛嘅話，自己未必食得出。兩款出品雖睇落唔大份，但食完都覺得夠飽。
吃罷覺得自己較喜歡牛擔擔麵，一來係特別啲既出品，加上辣辣地既口味，覺得更啱大熱天時下，食番碗剌激下味蕾。
Jus
中環士丹頓街60號
2711 1311
0 意見:
張貼留言