近來天氣熱爆，中午熱到冇胃口但都要食野，去番上星期日冇開既越南菜試下。
今日星期六終於唔使摸門釘。
散叫沙律小食都唔太貴。
就算其他冇餐既出品都係可接受既價錢。
唔使諗就試下個生牛肉河粉先，另一個主食試下河內燒豬肉撈檬，再加蒜蓉牛油雞翼同蒸粉包。
跟餐飲品叫左凍青檸茶及凍蜜桃鹹柑桔，
青檸茶正常，鹹柑桔飲落順喉解渴。
蒸粉包好食夠熱有肉汁。
反而蒜蓉牛油雞翼比較普通可吃可不吃。
河粉上檯牛肉係紅噹噹生勾勾very good，咁先係生牛肉河麻。
試過在其他食店見過上檯已全熟既生牛肉河，令人十分無奈。
河粉唔錯夠軟滑品又唔係一夾即散之流，湯汁入口帶肉香。
河內燒豬肉撈檬份量足。
燒豬肉浸在撈檬汁內。
已煎香食落有油香亦爽口。
食到底重有兩粒濃味豬肉丸。
加左酸甜汁既檬粉係出奇地好食，軟滑有米香令人食唔停。
估唔到呢度由外到內其貌不揚，但出品似樣又食得到越南口味，食完呢餐已開始諗搵日來試晚飯了。
20•越南粉 ĐÔI MƯƠI
紅磡崇潔街20號地舖
TEL : 9166 3486
0 意見:
張貼留言