上年的福岡行，一落機就開車上北九州及山口県，沒有太多時間留在福岡，今次決定幾天都留在福岡吃喝就好。
落機出關坐地鐵，半小時就到市中心博多站。
先到酒店APA Hotel ＆ Resort Hakata-Ekihigashi放低行李。Check-in完就去博多站博多１番街試下迴轉壽司魚がし。
剛過食飯時間門外仍有人排隊。
嫩滑蒸蛋打頭陣。
帶子鮮甜而魚肝有油香。
另叫幾款大路壽司，感覺還好不過不失。
如果要排隊就不建議前來，經過唔使等位就可以一試。
甜品如大福之類其實唔係目標，見到包裝精美就研究下兼買少少當手信。
行多幾分鐘見到もち吉博多本店。
行到熱就食條濃味抹茶雪條開心下。
終於去到昭和29年即1954年創業既70年老店三宅炸魚餅烏龍麵。
外觀已睇得出老店feel，呢度係孤獨的美食家都到訪過既烏龍麵店。
入面比外面更古色古香。
除了食物外，廚房中煮烏冬的灶頭也想親身來看看。
烏冬十分粗身。
吃著不是彈牙那種但入口軟滑。
完成烏冬就番博多站行下先。
今晚訂左拎過米芝蓮一星既日法式創作料理Nishimura Takahito La cuisine creativite。
餐廳遠離市中心，隱身於小區中。
座位於包廂中。
窗外是日式庭園景緻。
店家藏酒豐富。
除了日本出品也看到不少外國名釀。
前菜蟹肉牛油果，面頭放滿精緻蟹仔裝飾。
另一前菜是Blue cheese跟cream butter融合的炸物。
酥皮海螺撻的外皮香鬆，螺肉鮮甜。
用上風乾火腿包裹的香菇天婦羅。
鮮味海膽盛於酥皮中。
外脆內彈的自家製麵包帶淡淡清酒香氣。
金菇吞拿魚配山椒入口清爽。
日本脆皮燒雞跟芥末醬，燒雞帶油香而芥末剛好平衡它的油膩。
沉浸在麻油蛋汁泡沬中的醃漬間八魚味濃郁。
看來普通的日式蒸蛋，蛋面放滿酸梅醬汁後，令它變成開胃菜式。
鮑魚條跟上深黑色紫菜焙茶醬。
吃罷覺得鮑魚不是不好，但紫菜焙茶醬實在太美味，將鮑魚比下去了。
白色的柚子汁魷魚絲下面是濃郁的味噌秋葵。
翠綠四季豆配軟彈魷魚鬚切片。
帶焦香的西芹伴帶子。
伊左木魚件看似不太特別。
入口鮮嫩也帶豐盈魚油香。
大分牛火喉剛好，肉汁滿滿肉味澎湃。
到了麵食的湯拉麵上場。
麵身吃著帶麥香。
甜品送上香甜青蘋果金寶及軟滑菠蘿雪糕。完成整個晚餐都要三個鐘，時間雖長但過程流暢，中間沒有太多等待時間，是個十分美好的用餐體驗。
由天光食到天黑，行出門口先覺好飽，決定行半個鐘去地鐵站，再坐車番市中心。
飽還飽但人在日本冇理由唔食宵夜，時間唔早都已11點幾，好多餐廳都已收工，掃一掃google map見到附近有間鳥貴族收零晨4點就試一試。
雖然好夜但都只剩一兩張吉檯。
自助落單兼中英日文都有簡單易用。第一轉先叫串燒香辣雞脾肉、雞翼、卷心菜同鐵板山藥泥。
雞脾啖啖肉但唔算好夠熱。
卷心菜爽口，山藥泥好似食緊拉絲芝士咁。
食完叫埋燒雞皮同燒雞頸試下。
雞皮唔夠熱所以入口較油膩，雞頸唔錯有肉味有嚼口。
食完串燒真係飽到上喉嚨，唯有去24小時超市Sunny行下落下格。
個心想食生果但真係太飽要忍手。
今晚就睇定有咩想買，聽晚先過黎掃貨。
1 Chome-18-1 Hakataekihigashi, Hakata Ward, Fukuoka
81-57-000-9011
福岡市博多区博多駅中央街1-1 JR博多駅 B1F
092-431-1125
博多１番街
81-92-413-5223
福岡県福岡市博多区博多駅前2-19-29
092-475-0052
福岡市博多区御供所町2番3号
092-263-9770
福岡市博多区上吳服町10-24
092-291-3453
福岡市南区平和2-5-29
092-526-3153
博多駅東2丁目1-24 ギャラリーハカタ 地下1階
050-3187-3840
福岡市博多区東比恵2-15-18
092-433-3281
0 意見:
張貼留言