迷你.黑洞

Happiness Real only when shared.

蛋包飯威力 : 日常小館

 

今日過港島東工作,本來想去東大街但怕人多又要等位,兜轉下去左港島最東既小西灣,試下日式炸豬蛋包飯既威力。
見到小店星期三休息,當日係星期四,心想如果尋日黎就白行一趟。用餐地方唔大,一眼睇曬大約16個位。
餐牌只有兩三版,但以小店黎講都唔算少選擇,不過一早已諗好要食乜就係蛋包飯跟吉列豬扒配日式咖喱汁。
飲品凍檸茶先上,茶味正常但天氣真係太熱,令到杯野未飲都覺得好似好正咁。
坐多一陣就到吉列豬扒蛋包飯送上,睇落十分對版日式咖喱汁同想像既差唔多,香辣甜俱備用黎送珍珠米不錯。
蛋身軟滑而蛋味不算濃郁,但係跟埋咖喱汁同食就冇問題。
吉豬雖唔算非常厚身,但炸槳上得平均冇一夾就散,咬落又鬆脆有肉味,呢個價錢係收貨有餘。
出品有質素價錢又合理,應該都幾受區內人歡迎,有機會都想搵多幾個人試下其他出品

日常小館
地址:柴灣小西灣道18號富景商場3號舖
Tel : 6818 3759

0 意見:

張貼留言