迷你.黑洞

Happiness Real only when shared.

真正灌湯餃 : 碧儷苑 · 精點粵菜


身邊有位食友係飲茶L,鍾意周圍飲茶,今次就約左去呢度飲個中午茶市。
遲左到達,食友已點左第一輪點心。
太極蝦餃幾好蝦肉爽口,又唔會一夾就散開。
碧儷苑燒賣皇夠大粒,內裡填滿豬肉肉味十足。
臘味糯米包夠大件頭,鍾意糯米既食友轉頭就獨吞一個。
蠔皇牛肝菌鮮竹卷中既牛肝菌十分鮮甜又有菌香
上湯煎粉果做得香口。
櫻花蝦脆蝦腸粉做得唔錯,腸粉滑油條脆,櫻花蝦亦有提味效果。
杏汁白肺湯睇落幾濃,飲落都幾夠味,碟湯渣都睇到好足料。
夾起隻鍋貼金蠔之前唔知用左金蠔,但一咬落去金蠔味已爆出,真心夠重蠔肉香。
食完頭輪大家再追加一輪。
今日主角都算係懷舊蟹肉灌湯餃,無他因為出面已經冇咩地方有得叫。呢個餃樣外表工整冇穿冇爛冇漏湯,入面足湯汁有豬肉東菇等食材已經收貨有找。
另一樣可能更難係出面食到既係薑蔥牛肉角,灌湯餃好多人聽過,只係未食過正宗灌湯既餃,但薑蔥牛肉角應該好多人未聽過。
其實係用打好既牛肉做餡既餃子加薑蔥,咬落感覺同山竹牛肉唔一樣但味道都相似。
松露帶子腸粉既松露味剛好,唔會太搶掩蓋左帶子既鮮味
椒鹽魷魚鬚都幾大碟,粉槳唔太厚食落香脆。
紅袍荔枝即荔枝奶皇煎堆食落香脆,入面既奶皇雖唔係流心,但真係食到荔枝蓉
點心出品幾好,普遍都有質素,又有出品少見既真正灌湯餃同牛肉角
,再想食點心既話會番兜
 
碧儷苑·精點粵菜
地址:長沙灣長沙灣道786-788號羅氏商業廣場地下A號舖
Tel : 2788 3828

0 意見:

張貼留言