迷你.黑洞

Happiness Real only when shared.

中環意法菜新餐廳 : A Lux

 

      友好邀約到新中環餐廳試星期六得閒就過了中環一轉。
          室內燈光充足,反而覺得如果燈光暗一點會更好氣氛。
                                      麵包普通都係留肚等前菜。

    餐前小吃是Amuse bouche- crab meat on crispy squid ink puff。
兩個Appetizers先上Maguro tartare with avocado, baked squid wafer,baked squid夠脆而下面既tartare同牛油果都幾開胃。
另一個appertizer送上Beef carpaccio, foie gras, truffle, salad leaves & cheese,鵝肝既濃跟味道冇咁濃重既carpaccio食落幾夾。
Pasta送上Ravioli of lobster meat and vegetable,意大利雲吞足料,但都係超濃既龍蝦湯更吸引。
另一道Fettuccini with jumbo red prawns既紅蝦肉味濃,Fettuccini吸收左蝦汁也不錯的。
Entree先上Slow-cooked quail breast on top of quail roll stuffed with mushrooms and foie gras。Quail roll非常重口味,另慢煮既quail breast又非常嫩,但如要十成熟就要先跟店家講聲
兩個mains之一係Cod with bouillabaisse foam, deep fried potato strips。
另一個係份量唔少既係Lamb rack coated with rosemary breadcrumbs, medium rare cooked。
甜品時間送上Passionfruit cheesecake with mango and white chocolate & wafer及Ginger creme brûlée with caramel sauce,creme brûlée較得歡心因薑味不俗。

A Lux
地址:中環都爹利街13號樂成行地庫M2號舖
Tel : 2663 9938

入味滷水餸: 華記潮州滷水車仔麵


車仔麵唔算心頭好,可能因為車仔麵同米線都係類似既野,我地通常都會去左食米線,好少一心一意想搵車仔麵食,今次呢間就因為夜晚坐車經過左幾年,見到一路都幾多人幫襯,某日發現佢係對面開左舖就過黎試下。
入面都係茶記格局。車仔餸主打都係滷水出品,如果唔like滷水既人可以慳番唔使試。
因為唔太肚餓,所以只叫一個四餸河粉,再加一個涼伴生腸就好。
某人要多茜,結果舖頭另上一碗。

四餸係蘿蔔、牛筋、牛腩牛肉餅
蘿蔔雖然大舊但食落都夠淋兼幾夠甜。
河粉粗幼適中,唔係一夾就斷個種,入口食落都算滑。
牛筋同牛腩都入味又有不俗滷水香之餘,食落都無渣又帶點咬勁。
可能之前d滷水餸做得好,牛肉餅變左好似唔算好特別

小食既涼伴生腸幾爽口,個汁好夠味又夠辣。
雖叫小食但碟頭唔細,兩個人不停食都好似食極唔完。
食完一碗粉一碟小食感覺都好飽,如果叫兩個粉麵應該會頂到上心口。出品有質素價錢又唔貴,兼且店家亦有出一分力幫助基層,有機會都想過多黎一兩次試下其他出品。

華記潮州滷水車仔麵
地址:太子界限街34號民興大廈地舖
Tel : 6563 3939

大排檔泰菜出品 : 暹羅泰式粉麵燒烤


又係行山去左新界大西北,睇左路線之後梗係搵野食,今次就殺入屯門工業區建榮街個邊,食下大排檔風味既泰國野。
星期六既熟食大排檔冇咩人,幾張檯任坐。檯面已放定幾樣食泰國野常見既醬料。
中午餐牌主打泰式船河之類,唔知中午有冇燒烤,不過都冇諗住食咁多,都係叫兩碗野就算。
豬肉泰式船河睇色水對版
炸豬皮香脆之外,湯頭有番咁上下色水而飲落幾夠鮮味。
河粉睇落走粗獷路線,但食落又唔錯唔係一夾就散。
豬肉片食落幾滑有肉味,重有粒豬肉丸彈牙有肉汁都係好野。

泰北清冬陰湯粉跟左金邊粉,食落幾有咬口。
半隻蛋冇咩特別,而個湯睇落幾濃郁,飲落就feel到酸香鮮夾雜在一齊,係愈飲愈開胃個隻
粉腸洗得乾淨食落冇腥臭味又冇渣處理得幾好
用湯匙撈下個碗底就見到成座山咁既香料同豬肉碎,唔怪得個湯咁夠味。
食完感覺唔錯,下次過開黎都想再試下其他出品,應該有機會短期內再番兜


暹羅泰式粉麵燒烤
地址:屯門建榮街32號建榮熟食市場地下10號舖
Tel : 2881 0786