迷你.黑洞

Happiness Real only when shared.

生活愉快 : 愛文生

 

同食友攪既麻甩局已食左幾場,今日呢局不知不覺已經係食友離港前既最後麻甩局。
話曬幾條佬食大排檔,點都要啤啤佢先似樣。
金牌乳鴿皇都算肥美,擺耐左先食都仍然皮脆肉香。
椒鹽雙併叫左鮮魷大腸試下。
鮮魷都可以炸得乾身,另大腸夠大條又夠厚身,炸得外脆內軟又有油香,食住大腸隊下啤真係爽。
黑椒薯仔牛柳粒好多檯都叫,所以都叫黎試下。薯仔幾軟熟一咬即開,牛柳粒有點咬口亦有牛味,唔係俾鬆肉粉攻擊到體無完個隻level。
豉油王虎蝦雖然叫價唔平,不過蝦碌夠大隻,一碟份量都唔少所以都值得捧場。
菜膽雞食落都有雞味,不過小第食菜多過食雞
豉椒炒蟶子上檯時仍然非常熱燙,蟶子都食得出係新鮮貨色。
咕嚕肉啖啖肉之外,酸甜味都平衡得幾好。
今晚除左炸大腸外重有一味豉椒炒生腸,呢味野經過爆炒之後又係送酒佳品。
粟米斑塊就好一般,粟米汁唔夠濃比較水汪汪,魚塊亦比較鬆散。
食完見到附近有可愛街貓,當然要逗下佢地玩。
在此祝食友以後順風順水,在彼邦生活愉快事事順利。
 
愛文生
地址:深水埗石硤尾街1號地下B-C號舖
Tel : 2393 9315

0 意見:

張貼留言