迷你.黑洞

Happiness Real only when shared.

衝勁同毅力 : 三一餃子


三一餃子最初係白田開店時,已經走去幫襯過一兩次,估唔到佢地咁有衝勁,衝出白田後開完中環店再番兜番黎MK開店。

今日襯有時間又有人腳,食完點心再到來食多餐。

碗碟餐牌等都幾有心思。
煎餃點左蒜心豬肉餃併韭黃墨醉雞餃。

蒜心豬肉餃既肉同菜比例幾好,食落肉味中帶蒜心香甜。
韭黃墨醉雞餃就有不錯既醉雞香
食友想食四大發明,點左鰹魚昆布湯上海麵配粟米豬肉餃。
上海麵有咬口之外,粟米豬肉餃夠份量亦有鮮味。
餃子大阪燒就冇左日本人通常用既麵條,轉左全部用餃子。
食落外層香脆有鰹魚香,入面就軟嫩多汁。

除左餃子出品有質素,又有諗頭不斷推出新口味,呢d衝勁同毅力真係唔係個個有。
 
三一餃子
地址:旺角通菜街71號地舖
Tel : 9816 5177

0 意見:

張貼留言