迷你.黑洞

Happiness Real only when shared.

日式風情食餃子 : 甜記餃子 Tin Kee Dumplings Restaurant


放假既日子雖然咩都唔使諗,但點都要諗下食咩野去邊度。
呢排想買d新既夏天衫,就由太子行去深水埗,睇下大南街同附近有咩選擇。
咁岩經過砵蘭街就見到熟悉既店名,加上日式靚裝修,唔好諗就坐低食左先算。

煎餃同湯餃都可以雙併,就試夠四款出品,西洋菜豬肉併南瓜忌廉雞肉湯餃 另加韮菜豬肉同京蔥羊肉煎餃各四隻。

辣菜脯同飲品已準備好,只等主角出場。

西洋菜豬肉併南瓜忌廉雞肉湯餃先上。
西洋菜豬肉比較普通,可能因為西洋菜未算當做。
反而南瓜忌廉雞肉有d驚喜。
溶左既南瓜蓉同忌廉及軟滑雞肉混合左,食落有入口即溶既感覺。

香煎既韮菜豬肉同京蔥羊肉煎餃隨後送上。
韮菜豬肉係穩膽配搭味道有保證,京蔥羊肉都食到有羊肉汁及京蔥香味,只係兩款煎餃既外皮都唔算煎得十分香脆。
試曬四款餃子加埋飲品都係一百有找。

呢度裝修簡潔又有日式風情,想係太子想坐得舒搵下餃子之類既小食既話,呢度係不錯選擇。

甜記餃子 Tin Kee Dumplings Restaurant
地址:太子砵蘭街450-454號HQ大廈地下C-D號舖
Tel : 4614 9740

0 意見:

張貼留言